Almatylyqtarǵa kóshede betperdesiz júrýge resmi túrde ruqsat berildi. Qalanyń bas sanitar dárigeri Jandarbek Bekshin tiisti qaýly shyǵardy.
Bekshin Dúniejúzilik densaýlyq saqtaý uiymynyń málimetine sáikes, adam bir minýtta qolyn betine 3-5 ret tigizetinin aitty.
"Adamdarǵa jabyq ǵimarattan tys jerde betperde taǵý tek usynylyp otyr. Alaida muny oryndamaǵandar jaýapkershilikke tartylmaidy", - dep jazylǵan habarlamada.
Al jabyq jerlerde betperdemen júrý shart. Buǵan qulaq aspaǵandar jaýapqa tartylady.
Qai jerde betperde taǵý kerek?
-
jabyq ǵimarattarda (dárihana, dúken, keńse, meditsina uiymdary jáne t.b., sondai-aq, kólikte;
-
virýs juqtyrmaǵan adam COVID-19-ǵa shaldyǵýy múmkin adamǵa kómektesken kezde;
-
koronavirýs infektsiiasyna uqsas aýrý belgileri paida bolǵan jaǵdaida ( dene qyzýynyń kóterilýi, jótel, túshkirý).
Jandarbek Bekshin 22 sáýirdegi málimdemesinde almatylyqtarǵa dalaǵa betperdesiz shyǵýǵa bolatynyn alǵash ret aitqan bolatyn. Ol osynyń arqasynda maska tapshylyǵy máselesi sheshiletinin jetkizdi. Buǵan qosa, ashyq aýada meditsinalyq betperdeniń tiimsiz bolatynyn aitty.
Alaida bir táýlik ótken soń ol bul sózininen bas tartyp, jurt durys túsinbegenin jetkizdi.
Endi Jandarbek Bekshin almatylyqtarǵa kóshede maskasyz júrýge bolatynyn qujat júzinde bekitip otyr.
