الماتىلىقتارعا كٶشەدە بەتپەردەسٸز جٷرۋگە رەسمي تٷردە رۇقسات بەرٸلدٸ. قالانىڭ باس سانيتار دەرٸگەرٸ جانداربەك بەكشين تيٸستٸ قاۋلى شىعاردى.
بەكشين دٷنيەجٷزٸلٸك دەنساۋلىق ساقتاۋ ۇيىمىنىڭ مەلٸمەتٸنە سەيكەس, ادام بٸر مينۋتتا قولىن بەتٸنە 3-5 رەت تيگٸزەتٸنٸن ايتتى.
"ادامدارعا جابىق عيماراتتان تىس جەردە بەتپەردە تاعۋ تەك ۇسىنىلىپ وتىر. الايدا مۇنى ورىنداماعاندار جاۋاپكەرشٸلٸككە تارتىلمايدى", - دەپ جازىلعان حابارلامادا.
ال جابىق جەرلەردە بەتپەردەمەن جٷرۋ شارت. بۇعان قۇلاق اسپاعاندار جاۋاپقا تارتىلادى.
قاي جەردە بەتپەردە تاعۋ كەرەك?
-
جابىق عيماراتتاردا (دەرٸحانا, دٷكەن, كەڭسە, مەديتسينا ۇيىمدارى جەنە ت.ب., سونداي-اق, كٶلٸكتە;
-
ۆيرۋس جۇقتىرماعان ادام COVID-19-عا شالدىعۋى مٷمكٸن ادامعا كٶمەكتەسكەن كەزدە;
-
كوروناۆيرۋس ينفەكتسيياسىنا ۇقساس اۋرۋ بەلگٸلەرٸ پايدا بولعان جاعدايدا ( دەنە قىزۋىنىڭ كٶتەرٸلۋٸ, جٶتەل, تٷشكٸرۋ).
جانداربەك بەكشين 22 سەۋٸردەگٸ مەلٸمدەمەسٸندە الماتىلىقتارعا دالاعا بەتپەردەسٸز شىعۋعا بولاتىنىن العاش رەت ايتقان بولاتىن. ول وسىنىڭ ارقاسىندا ماسكا تاپشىلىعى مەسەلەسٸ شەشٸلەتٸنٸن جەتكٸزدٸ. بۇعان قوسا, اشىق اۋادا مەديتسينالىق بەتپەردەنٸڭ تيٸمسٸز بولاتىنىن ايتتى.
الايدا بٸر تەۋلٸك ٶتكەن سوڭ ول بۇل سٶزٸنٸنەن باس تارتىپ, جۇرت دۇرىس تٷسٸنبەگەنٸن جەتكٸزدٸ.
ەندٸ جانداربەك بەكشين الماتىلىقتارعا كٶشەدە ماسكاسىز جٷرۋگە بولاتىنىن قۇجات جٷزٸندە بەكٸتٸپ وتىر.
