2020 jyldyń 2 qarashasyna deiin Meditsinalyq saqtandyrý qoryna 446,7 mlrd teńgege jýyq qarjy jinaqtaldy. Bul týraly «Áleýmettik meditsinalyq saqtandyrý qory» KEAQ Almaty qalalyq filialy málim etti, dep habarlaidy "Ult aqparat".
«Jarnalar men aýdarymdardyń kólemi jaǵynan Almaty qalasy kósh bastap tur. Jinaqtalǵan somanyń besten bir bóligi burynǵysha, ońtústik astananyń enshisinde. Jalpy, saqtandyrý júiesi iske qosylǵan 2017 jyldyń 1 shildesinen 2020 jyldyń 2-qarashasyna deiingi aralyqta Almaty qalasynan Qorǵa 85,5 mlrd teńgeden astam jarna aýdaryldy. Onyń 70,6 mlrd teńgesi – jumys berýshilerdiń qaramaǵyndaǵy jumyskerler úshin jasaǵan aýdarymdary bolsa, qalǵan 14,9 mlrd teńge – jeke kásipkerler men azamattyq-quqyqtyq kelisimshart boiynsha eńbek etetinderge tiesili», - dedi filial direktory Tileýhan Ábildaev.
Sondai–aq, biryńǵai jiyntyq tóleýshiler sany da artyp keledi. Almaty qalasy boiynsha 2019 jyl basynan beri ózin-ózi jumyspen qamtyǵan 194 myńnan astam adam 330,4 mln teńge kóleminde biryńǵai jiyntyq tólem (BJT) tólegen.
