Ýkrainada jumys babymen júrgen almatylyq otbasy evakýatsiialaý kezinde balaly boldy. Olar 10 naýryzda tórtinshi evakýatsiialyq reispen Qazaqstanǵa oraldy, - dep habarlaidy Tengrinews.kz tilshisi Almaty.tv telearnasyna silteme jasap.
Almatylyq Baýyrjan Igilikov 2 jyldan beri Kievte turyp kelgen. Qazaqstanǵa kóshirý kezinde aiy-kúni jaqyndaǵan kelinshegi dúniege 8 jyl kútken tuńǵyshyn ákelipti. Olar balanyń atyn Batyr dep qoiǵan.
"Jolda kele jatyp bosandy. Hmelnitskide Dýnaevtsy degen aýdandaǵy perzenthanada bir dáriger balany alýǵa kelisti. Óitkeni 40-apta bolatyn. Oǵan deiin biz Kievtiń Adonets degen klinikasymen kelisimshart jasasyp qoiǵan bolatynbyz. Biraq ol jerge telefon soqqanymyzda "basqa jaqqa baryńyzdar, bizde bombamen shabýyldaidy" degen soń biz ketip qaldyq. Sosyn kelinshegim bosanǵan kúnniń ertesinde sol klinikaǵa zymyran tigenin estidik. Qudai saqtap, ketip qalǵanymyz jaqsy bolypty", - dedi Almaty qalasynyń turǵyny Baýyrjan Igilikov.
