ۋكراينادا جۇمىس بابىمەن جٷرگەن الماتىلىق وتباسى ەۆاكۋاتسييالاۋ كەزٸندە بالالى بولدى. ولار 10 ناۋرىزدا تٶرتٸنشٸ ەۆاكۋاتسييالىق رەيسپەن قازاقستانعا ورالدى, - دەپ حابارلايدى Tengrinews.kz تٸلشٸسٸ Almaty.tv تەلەارناسىنا سٸلتەمە جاساپ.
الماتىلىق باۋىرجان يگٸلٸكوۆ 2 جىلدان بەرٸ كيەۆتە تۇرىپ كەلگەن. قازاقستانعا كٶشٸرۋ كەزٸندە ايى-كٷنٸ جاقىنداعان كەلٸنشەگٸ دٷنيەگە 8 جىل كٷتكەن تۇڭعىشىن ەكەلٸپتٸ. ولار بالانىڭ اتىن باتىر دەپ قويعان.
"جولدا كەلە جاتىپ بوساندى. حمەلنيتسكٸدە دۋناەۆتسى دەگەن اۋدانداعى پەرزەنتحانادا بٸر دەرٸگەر بالانى الۋعا كەلٸستٸ. ٶيتكەنٸ 40-اپتا بولاتىن. وعان دەيٸن بٸز كيەۆتٸڭ ادونەتس دەگەن كلينيكاسىمەن كەلٸسٸمشارت جاساسىپ قويعان بولاتىنبىز. بٸراق ول جەرگە تەلەفون سوققانىمىزدا "باسقا جاققا بارىڭىزدار, بٸزدە بومبامەن شابۋىلدايدى" دەگەن سوڭ بٸز كەتٸپ قالدىق. سوسىن كەلٸنشەگٸم بوسانعان كٷننٸڭ ەرتەسٸندە سول كلينيكاعا زىمىران تيگەنٸن ەستٸدٸك. قۇداي ساقتاپ, كەتٸپ قالعانىمىز جاقسى بولىپتى", - دەدٸ الماتى قالاسىنىڭ تۇرعىنى باۋىرجان يگٸلٸكوۆ.
