Almatylyqtar koronavirýsty teatrlar men kinoteatrlarda juqtyra bastady. Bul týraly qalalyq Sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifing barysynda aitty, dep habarlaidy "Ult aqparat".
«KVI jaǵdailaryn epidemiologiialyq tekserý barysynda naýqastardyń 40% qoǵamdyq oryndarda, 20% - qoǵamdyq kólikte, sondai-aq 28% otbasylarynda juqtyrǵany anyqtaldy. Bul azamattar der kezinde aýrýhanaǵa oqshaýlanbai, týysqandaryn qaýipke tikken. Sońǵy 3 aptada otbasylyq is-sharalar, toi jasaý, as, qudaiy tamaq berý kóbeigen. Odan bólek qańtarda aýyrǵandar arasynda kinoteatrlar men teatrlarda juqtyrǵandar tirkelip jatyr», - dedi J.Bekshin.
Onyń aitýynsha, aýrý juqtyrǵandardyń ishinde 20-39 jas aralyǵyndaǵy azamattardyń úlesi – 35%, 40-59 jas aralyǵynda – 27-28%.
Almaty qalasynyń departamenti áleýmettik qashyqtyqty, maska-qolǵap rejimin saqtaý, adamdar kóp jinalatyn jerlerge barmaý qajettigi týraly halyqty eskertý boiynsha júieli jumys júrgizip otyr.
