Almaty sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifing barysynda qaýipti oryndardy atady, dep habarlaidy QazAqparat.
Onyń aitýynsha, sońǵy 14 kúnde 20-39 jas aralyǵyndaǵy azamattar arasynda juqtyrý kórsetkishi - 35%, 40-59 jas aralyǵyndaǵy adamdardyń úles salmaǵy 33% jetken.
Bul shekteý sharalarynyń buzylýyna jáne korporativtik keshterdi ótkizý, saýda obektilerine barýǵa bailanysty bolyp otyr.
«KVI juqtyrý oryndarynyń qurylymynda qoǵamdyq oryndarda (saýda jáne qoǵamdyq tamaqtaný obektileri, bazarlar) juqtyrý qaýpi joǵary. Osy jerlerde juqtyrǵandardyń úlesi 44%. Qalǵan 28 % otbasylarda juqtyrǵan. Sońǵy aptada 2020 jylǵy 25 jeltoqsannan bastalǵan karantindik statsionarlarda KVI-diń jeńil jáne simptomsyz túrlerimen aýyratyn naýqastardy oqshaýlaý nátijesinde otbasyndaǵy bailanystar boiynsha aýyrǵandardyń úles salmaǵy 7,1% - ǵa tómendedi. Osyǵan bailanysty azamattardan osy májbúrli sharaǵa túsinistikpen qaraýdy jáne virýstyń taralýy toqtaǵanǵa deiin oqshaýlanýdan bas tartpaýdy suraimyz», - dedi Bekshin.
Departament basshysy juqtyrýdy tómendetý úshin virýstyń taralýyn toqtatý úshin úi - jailarda da, ashyq aýada da adamdar kóp jinalatyn oryndarǵa barýdan bas tartýdy, maska rejimin, áleýmettik qashyqtyqty qatań saqtaýdy surady.
«KVI naýqastarymen jáne jumys orny boiynsha bailanysta bolǵan adamdar úide qalyp, tegin negizde tekserýden ótý úshin telefon arqyly ózderiniń emhanasyna habarlasýy kerek. Almaty qalasynyń azamattary men qonaqtaryna JRVI belgileri paida bolǵan kezde dárigerdi úiine shaqyrtýdy, zeinetkerlerge asa qatty qajet bolmaǵan jaǵdailarda úilerinen shyqpaýdy usynamyn», - dedi ol.
