Almatyda aýtizmi bar balalardyń máselesi talqylandy, dep habarlaidy QazAqparat tilshisi.
«Miloserdie» qaiyrymdylyq qoǵamynyń «Aýtizmdi jeńemiz» ortalyǵy «Ashyq álem» qorymen birige otyryp, erekshe balalarǵa erekshe mereke uiymdastyrdy. Balalar teatr sabaǵyna, sporttyq sharalarǵa qatysyp, oiyn fleshmobyn uiymdastyrdy.
Mamandardyń aitýynsha, aýtizmmen aýyratyn balalardyń qoǵamǵa beiimdelýi ortasyna tikelei bailanysty. «Ashyq álem», qory keltirgen málimet boiynsha 2017 jyly 3820 adamda, onyń ishinde Almatyda - 799 adamda aýtizm belgileri anyqtalǵan.
«Sindromdy erte anyqtaý, ata-ananyń qoldaýy, oqytý óte mańyzdy. Bizdiń sanamyzǵa tóńkeris kerek. Sonda ǵana balalarymyz qoǵamǵa tez beiimdeletin bolady», - dedi ata-analar.
2008 jyldan beri 2 naýryzda BUU aýtizm aýrýyna shaldyqqandardyń kúnin atap ótedi. Álemde 67 mln asa adam aýtizm dertine shaldyqqan. Álemdegi Autism Speaks uiymynyń belgisi kók tústi pazl bólshegi bolyp tabylady. 2010 jyldan bastap «kók tústi jaq» marketing aktsiiasy bastaý aldy. Búgin de Qazaqstannyń ár jerinde aýtizmmen aýyratyndardy qoldaý aktsiiasy júrip jatyr.
.jpeg)