الماتىلىقتار اۋتيزمگە شالدىققاندارعا قولداۋ بٸلدٸردٸ

الماتىدا اۋتيزمٸ بار بالالاردىڭ مەسەلەسٸ تالقىلاندى, دەپ حابارلايدى قازاقپارات تٸلشٸسٸ.

«ميلوسەرديە» قايىرىمدىلىق قوعامىنىڭ «اۋتيزمدٸ جەڭەمٸز» ورتالىعى «اشىق ەلەم» قورىمەن بٸرٸگە وتىرىپ, ەرەكشە بالالارعا ەرەكشە مەرەكە ۇيىمداستىردى. بالالار تەاتر ساباعىنا, سپورتتىق شارالارعا قاتىسىپ, ويىن فلەشموبىن ۇيىمداستىردى.

مامانداردىڭ ايتۋىنشا, اۋتيزممەن اۋىراتىن بالالاردىڭ قوعامعا بەيٸمدەلۋٸ ورتاسىنا تٸكەلەي بايلانىستى. «اشىق ەلەم», قورى كەلتٸرگەن مەلٸمەت بويىنشا 2017 جىلى 3820 ادامدا, ونىڭ ٸشٸندە الماتىدا - 799 ادامدا اۋتيزم بەلگٸلەرٸ انىقتالعان.

«سيندرومدى ەرتە انىقتاۋ, اتا-انانىڭ قولداۋى, وقىتۋ ٶتە ماڭىزدى. بٸزدٸڭ سانامىزعا تٶڭكەرٸس كەرەك. سوندا عانا بالالارىمىز قوعامعا تەز بەيٸمدەلەتٸن بولادى», - دەدٸ اتا-انالار.

2008 جىلدان بەرٸ 2 ناۋرىزدا بۇۇ اۋتيزم اۋرۋىنا شالدىققانداردىڭ كٷنٸن اتاپ ٶتەدٸ. ەلەمدە 67 ملن اسا ادام اۋتيزم دەرتٸنە شالدىققان. ەلەمدەگٸ Autism Speaks ۇيىمىنىڭ بەلگٸسٸ كٶك تٷستٸ پازل بٶلشەگٸ بولىپ تابىلادى. 2010 جىلدان باستاپ «كٶك تٷستٸ جاق» ماركەتينگ اكتسيياسى باستاۋ الدى. بٷگٸن دە قازاقستاننىڭ ەر جەرٸندە اۋتيزممەن اۋىراتىنداردى قولداۋ اكتسيياسى جٷرٸپ جاتىر.