Almatylyq Galina Ignatova ómir boiy jeke úide turady. Onyń atasy tynysh bolǵasyn osy jerden ýchaske satyp alǵan. Qazir tynyshtyq Galina Vladimirovnanyń tek túsine kiredi. Onyń úiinen 10 metr qashyqta eki 12 qabatty turǵyn úi kesheniniń qurylysy júrgizilip jatyr. Keide tipti qurylys qoqystary onyń baqshasyna túsedi eken.
"Qurylysshylar birdeńe jasap jatady. Men tósekte jatamyn. Olar meni kóredi, men olardyń bet álpetin kóremin. Bul ne?! Olar osy jerge salǵysy kelse, qurylys alańyn daiyndaýy kerek edi. Ózine de, turǵyndarǵa da yńǵaily bolar edi. Bul - elitalyq aýdan. Jer qymbat. Úiimiz qanaǵattandyrady. Eshqaida kóshý oiymyzda bolǵan emes", - deidi Galina Ignatova.
Sholom-Aleihem jáne Ál-Farabi kósheleriniń qiylysyndaǵy eki turǵyn úi kesheniniń qurylysy byltyrǵy qyrkúiekten bastap júrgizilip jatyr. Buǵan deiin ornynda qurylys salýshy satyp alǵan jeke úiler bolǵan. Biraq ol muny qalai jasady jáne qurylys taǵdyry sheshilgen kezde jinalystarǵa kim qatysty? Turǵyndar osy suraqty qurylys basshysy men Bostandyq aýdany ákimine joldady.
"Shynynda da, qoǵamdyq tyńdaýlarǵa hattama boiynsha tórt adam qatysty. Qazir biz osy máselelerdi qarastyryp, sharalar qabyldaimyz. Sonyń ishinde qoǵamdyq tyńdaýlardy qaita ótkizý de bar", - dedi Bostandyq aýdanynyń ákimi Altai Rahymbetov.
Aýdan turǵyndary da aýmaqta osyndai biik ǵimarattardy qalai salýǵa ruqsat etilgenine tańǵalady. Turǵyndardyń aitýynsha, bul jerde olarǵa arnalǵan eshqandai infraqurylym joq. Qurylys kompaniiasy bas direktorynyń keńesshisi Evgenii Hozeev olardyń turǵyn úi kesheninde 60 jerasty jáne 12 jerústi turaq orny bar ekenin aitty.
"18000 sharshy metr ishinde qurylys alańy tek 4000 sharshy metr bolady", - dep málimdedi qurylys kompaniiasy bas direktorynyń keńesshisi Evgenii Hozeev.
Telearna málimetinshe, qurylys alańynyń perimetri boiynsha munda kóptegen jeke úi bar. Qurylys salýshy olardy satyp alýdy josparlap otyr. Biraq barlyq turǵyn usynylǵan somaǵa qanaǵattanbaidy. Olar 25 úiden 8 úi iesimen kelise alǵan.
"Bizde baǵa bar. Bul million emes, tipti jarty million emes. Biraq olar mundai baǵa joq ekenin aityp, satyp alý merzimin keshiktirip otyr. Biz olarǵa "ótinemin, dál osy jerde, qazir satyp alyńyz" deimiz. Olar merzim maýsymǵa, sodan keiin shildege shegeriletinin aitady", - dedi Almaty turǵyny Iana Chamovskih.
Bostandyq aýdanynyń ákimi barlyq qujatty zerttep, bir aptadan keiin turǵyndarmen qaita kezdesýge ýáde berdi. Jergilikti belsendiler óz ómirleri úshin túpkilikti sheshimdi qorqynyshpen kútýge týra keletinin aitady. Óitkeni salynyp jatqan biik ǵimarattan baqshaǵa qashan jáne ne túsetini belgisiz.
