Koronavirýs órship turǵan Úndistannan Almatyǵa stýdentterdi «jasyryn» ákelmek bolǵandar anyqtaldy. Bul týraly máslihat sessiiasynda qala ákimi Baqytjan Saǵyntaev aitty, dep habarlaidy "Ult aqparat".
Ákimniń aitýynsha, Almatyǵa stýdentterdi JOO-lar ákelgisi kelgen, bul josparly is-shara bolǵan.
«Bizde britandyq jáne ońtústikafrikalyq shtamm bar. Endi, Alla saqtasyn, bizge úndistandyq shtamm kelmesin. Jaqynda bizde Úndistannan josparly túrde stýdentterdi ákelgisi kelgender anyqtaldy. Ol jaqtan bári qashyp jatyr. Al bizdiń keibir rektorlarymyz ýniversitet tabys tabýy úshin Úndistannan stýdentterdi shaqyryp júr. Olar bizge úndi shtamyn ákeledi dep oilap otyrǵan joq. Eshkimge bildirtpei ákelmek bolǵan, biraq biz ony toqtattyq», - dedi Almaty ákimi Baqytjan Saǵyntaev.
Sonymen qatar, ol depýtattar men mekeme basshylaryn halyq arasynda vaktsinatsiia boiynsha túsindirý jumysyn júrgizýge shaqyrdy.
