Almaty qalalyq Bilim basqarmasynyń basshysy Lázzat Jylqybaeva onlain brifing barysynda III toqsandaǵy Almaty mektepterdegi oqý formaty týraly aitty, dep habarlaidy "Ult aqparat".
«Barshańyzǵa belgili, balalar men muǵalimderdiń densaýlyǵy men qaýipsizdigin saqtaý maqsatynda epidemiologiialyq jaǵdaiǵa bailanysty qaladaǵy 205 jalpy bilim beretin mektepte oqý jyly qashyqtyqtan bastaldy. Kólsai men Sulýsai yqshamaýdandarynda ornalasqan №194 jáne №197, sondai-aq 35 jekemenshik mektepte adam sanynyń az bolýyna bailanysty oqytý turaqty rejimde júrgizilýde», - deidi ol.
Almaty qalasy bas sanitarlyq dárigeriniń qaýlysyna sáikes 1- 5-shi synyptarǵa deiin 15 baladan aspaityn kezekshi synyptardy ashýǵa ruqsat etilgen.
«Búgingi kúni 1-5 synyptar úshin 150 memlekettik mektepte 17 753 bala kontingenti bar 1235 kezekshi synyptar bar, 34 jekemenshik mektepte 7 020 bala kontingenti bar 560 kezekshi synyptar bar», - deidi Lázzat Jylqybaeva.
Sonymen qatar, ol kezekshi synypqa sozylmaly aýrýlary joq balalar oqýǵa jiberiletinin aitty.
«Balalardyń kezekshi synyptarda oqýyn tańdaý quqyǵy balalardyń ata-analaryna nemese zańdy ókilderine tiesili. Kezekshi synyptardyń qyzmeti sanitarlyq epidemiologiialyq talaptardy qatań saqtai otyryp júzege asyrylady. Qalanyń barlyq mektepteri 100% sanitarlyq qaýipsizdik dezinfektsiialaý quraldarymen qamtamasyz etilgen», - deidi spiker.
Lázzat Jylqybaeva 9, 11 (12) synyp oqýshylarynyń aralas oqytý formatyna aýysýy bitirýshi synyptardy qorytyndy attestattaýǵa daiyndaýmen jáne ulttyq biryńǵai testileý men joǵary oqý oryndary men kolledjderge túsý emtihandaryn tapsyrýmen negizdelgenin atap ótti.
«Úlgilik oqý josparynyń 70% pánderi sanitarlyq-epidemiologiialyq talaptarǵa sáikes turaqty formatta oqytylatyn bolady al, oqý pánderiniń 30% - qashyqtan oqytylady»,-dedi ol.
