Almatyda 14 jasar jasóspirim terakt jasaitynyn aityp, eldi dúrliktirdi, -dep habarlaidy QazAqparat.
Almaty qalalyq Politsiia departamenti baspasóz qyzmetiniń málimetinshe, jasóspirim bul týraly jergilikti turǵyndardyń biriniń WhatsApp nomerine jazǵan. Ol 8 sáýirde Almatynyń Medeý aýdanynda ornalasqan turǵyn úilerdiń birin jaryp jiberýdi josparlap otyrǵanyn aitqan.
«Bul aqparat jedel áreket etýdi qajet etti. Habarlama túse salysymen qalanyń barlyq tótenshe jaǵdailar qyzmetiniń ókilderi dereý osy mekenjaiǵa baryp, saperlardyń kómegimen ǵimaratqa komissiialyq tekserý júrgizdi. Jarylǵysh zattar tabylǵan joq. Aqparat rastalmady. Onyń avtory jedel-izdestirý sharalarynyń arqasynda tez tabyldy.Ol joǵaryda atalǵan kóppáterli úidiń biriniń 14 jastaǵy turǵyny ekeni belgili boldy. Jasóspirim óziniń jasaǵan áreketin moiyndap, ony buzaqylyq nietpen jibergenin aitty. Bul fakt sotqa deiingi tergeýdiń biryńǵai tizilimine QR QK-niń 273-baby boiynsha tirkeldi», - deidi Almaty qalalyq PD bastyǵynyń orynbasary Berik Ábilbekov.
Sondai-aq, politsiia, terrorizm aktisi boiynsha jalǵan aqparat taratqany úshin alty jylǵa deiin bas bostandyǵynan aiyrýdy kózdeitin qylmystyq jaýapkershilik qarastyrylǵanyn eskertti.
