الماتىدا 14 جاسار جاسٶسپٸرٸم تەراكت جاسايتىنىن ايتىپ, ەلدٸ دٷرلٸكتٸردٸ, -دەپ حابارلايدى قازاقپارات.
الماتى قالالىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, جاسٶسپٸرٸم بۇل تۋرالى جەرگٸلٸكتٸ تۇرعىنداردىڭ بٸرٸنٸڭ WhatsApp نومەرٸنە جازعان. ول 8 سەۋٸردە الماتىنىڭ مەدەۋ اۋدانىندا ورنالاسقان تۇرعىن ٷيلەردٸڭ بٸرٸن جارىپ جٸبەرۋدٸ جوسپارلاپ وتىرعانىن ايتقان.
«بۇل اقپارات جەدەل ەرەكەت ەتۋدٸ قاجەت ەتتٸ. حابارلاما تٷسە سالىسىمەن قالانىڭ بارلىق تٶتەنشە جاعدايلار قىزمەتٸنٸڭ ٶكٸلدەرٸ دەرەۋ وسى مەكەنجايعا بارىپ, ساپەرلاردىڭ كٶمەگٸمەن عيماراتقا كوميسسييالىق تەكسەرۋ جٷرگٸزدٸ. جارىلعىش زاتتار تابىلعان جوق. اقپارات راستالمادى. ونىڭ اۆتورى جەدەل-ٸزدەستٸرۋ شارالارىنىڭ ارقاسىندا تەز تابىلدى.ول جوعارىدا اتالعان كٶپپەتەرلٸ ٷيدٸڭ بٸرٸنٸڭ 14 جاستاعى تۇرعىنى ەكەنٸ بەلگٸلٸ بولدى. جاسٶسپٸرٸم ٶزٸنٸڭ جاساعان ەرەكەتٸن مويىنداپ, ونى بۇزاقىلىق نيەتپەن جٸبەرگەنٸن ايتتى. بۇل فاكت سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە قر قك-نٸڭ 273-بابى بويىنشا تٸركەلدٸ», - دەيدٸ الماتى قالالىق پد باستىعىنىڭ ورىنباسارى بەرٸك ەبٸلبەكوۆ.
سونداي-اق, پوليتسييا, تەرروريزم اكتٸسٸ بويىنشا جالعان اقپارات تاراتقانى ٷشٸن التى جىلعا دەيٸن باس بوستاندىعىنان ايىرۋدى كٶزدەيتٸن قىلمىستىق جاۋاپكەرشٸلٸك قاراستىرىلعانىن ەسكەرتتٸ.
