Almaty kásipkerleri qalaǵa qatań karantin sharalary engizilse, baǵa ósip, jumys orny qysqarýy múmkin ekenin aitty, - dep habarlaidy Tengrinews.kz tilshisi "KTK" telearnasyna silteme jasap.
Qazaqstanda syrqattanǵandar sany kún saiyn kóbeiip barady. Almaty "sary" aimaqta tur jáne "qyzyl" aimaqqa jaqyn. Ázirge sanitariia dárigerleri aýrý juqtyrǵandarmen bailanysta bolǵan, júkti jáne ekpe saldyrmaǵan, ekpege qarsy kórsetilimi bar adamdardy ǵana qashyqtan jumysqa aýystyrýdy, qoǵamdyq orynda maska taǵýdy usynady. Osy usynystardan keiin maska satylymy qaitadan ósti.
"Qaýly shyqqannan keiin maska satylymy eki esege ósti deýge bolady. Baǵa qymbattamady. Bizde buǵan deiin bir maska 15 teńge turatyn, qazir de baǵasy sondai", - dedi qalalyq dárihana farmatsevti.
Kinoteatr, tamaqtaný jáne basqa da oryndardyń ieleri jańa karantinge erekshe alańdaýly. Restoratorlar klýby qaýymdastyǵynyń qarjy direktory Irina Lebedevanyń aitýynsha, ondaǵan qyzmetkeri jumyssyz qalýy múmkin.
"Birinshiden, bul qoǵamdyq tamaqtaný, sodan keiin qyzmet kórsetý jáne oiyn-saýyqqa kesirin tigizedi. Biz ádettegidei qarjylai zardap shegemiz. Salyqtar, jalǵa alý. Al shyǵynymyzdy eshkim ótemeidi. Keibir shekteýler kelýshilerge qatysty. Balama joq. Ne jabylamyz, ne jumys ýaqytymyzdy qysqartamyz. Ondai jaǵdaida memleket tarapynan eshqandai qoldaý bolmaidy", - dedi Irina Lebedeva.
Kásipkerler Ashyq-ty qaita iske qosýǵa, betperde taǵyp, qolǵap kiiýge daiyn, biraq biznestiń jumysyn jappaýdy suraidy. Olardyń aitýynsha, karantinde kelýshilerdiń azaiýyna bailanysty baǵa 20 paiyzǵa ósýine sebep bolsa, kelesi karantin baǵanyń birneshe ese ósýine ákelýi múmkin.
Sanitarlyq qyzmet ókilderi ázirge eshkim qatań karantindi josparlap otyrǵan joq deidi. Tipti Ashyq júiesimen skanerleýdi qaitarý úshin de negiz bolý kerek.
"Bizde Ashyq tek "qyzyl" aimaqqa kiretin óńirlerde ǵana engiziledi dep kózdelgen. Aimaq birneshe kórsetkishti eskerip, "qyzyl" aimaqqa enedi. Syrqattanǵandar sany ósip, infektsiialyq jáne reanimatsiialyq tósekter 50 paiyzdan nemese 70 paiyzdan asatyn bolsa ǵana", - dedi Densaýlyq saqtaý ministrligi Sanitarlyq-epidemiologiialyq baqylaý komitetiniń juqpaly aýrýlardy epidemiologiialyq baqylaý bóliminiń bastyǵy Roza Qojapova.
Dárigerler jaǵdaiy nasharlaǵan adamdarǵa qoǵamdyq orynǵa barmai, oqshaýlanyp, ýchaskelik dárigerdi kútýge keńes beredi.
