Álemdik pandemiia, elimizdegi koronavirýs indeti qai salaǵa bolmasyn ońai timegeni anyq. Ásirese, shaǵyn jáne orta bizneske aitarlyqtai yqpal etti. Degenmen, karantin jaǵdaiyna qaramastan, talaptardy saqtai otyryp, kásibin júrgizgen almatylyq kásipkerler indetke qarsy ekpe alyp bastady, - dep habarlaidy «Ult aqparat».
Aita keteiik, KVI indetine qarsy kúreste kásiporyn ujymdaryna, ásirese saýda jáne qyzmet kórsetý salalaryna vaktsina alý mańyzdy.
Almatynyń "Nefros Aziia" jáne Future Trade Company kásiporyndarynda tiisinshe 70% jáne 95% ujym ekpe aldy.
Alǵashqy atalǵan kompaniianyń óńirlik direktory Juldyz Nurseiitova Qazaqstan boiynsha meditsinalyq holdingtiń 45 filialy bar ekenin aitty. Bul gemodializ ortalyqtary, olardyń jumysy naýqastar úshin mańyzdy. Sol úshin barlyq óńirde 1000-ǵa jýyq qyzmetker ekpe aldy, bul ujymnyń 70%-yn quraidy.
«Búginde basqa qyzmetkerler kún saiyn 2-3 adamnan ekpe alýda. Qyzmetkerler erikti túrde vaktsina saldyrýda. Olar emhanada turǵylyqty jeri boiynsha vaktsina alady. Vaktsina juqtyrý qaýpin azaitýǵa kómektesedi dep senemin. Bizdiń ortalyqtarda barlyq sanitarlyq-epidemiologiialyq normalar saqtalýda, áleýmettik qashyqtyq, betperde rejimi saqtalýda, biraq báribir úirenshikti ómir saltyna oralǵym keledi, bul jaǵdaiǵa vaktsina alý kómektesedi»,– dep oiymen bólisti Juldyz Nurseiitova.
"FUTURE TRADE COMPANY" JShS qyzmetkerleri jartylai "qashyqta" jumys isteidi. Alaida, olar jumysty ádettegidei jalǵastyrǵysy keledi, sondyqtan olar ujym bolyp ekpe alady. Olardyń kompaniiasy megapolistegi azyq-túliktiń negizgi distribiýtory, sondyqtan "offlain" rejiminde jumys isteý qiyn.
"Meniń oiymsha bizdiń ujymda 95%-y vaktsina aldy. Qazir offlain rejimde jumys isteitinderdiń barlyǵy vaktsina alǵan nemese aýyryp qalǵan qyzmetkerler. Sondai-aq antidenelerdiń bolýy týraly anyqtama bar. Men vaktsinanyń birinshi komponentin aldym, janama áserler bolǵan joq, tek álsizdik bar. Búgin nemese erteń vaktsinanyń ekinshi komponentin alýǵa baramyn. Bul indetpen kúrestegi jalǵyz qural dep oilaimyn", - deidi kásipker Dáýlet Shakiev.
Aita keteiik, buǵan deiin ońtústik astananyń kásiporyndarynda "Almaty elektr qalqany zaýyty" JShS, "Hiýndai Trans" JShS, "KSM Tehnovid" JShS, "Maslo-del" JShS, 2-JEO qyzmetkerleri ujymdyq túrde vaktsina aldy. Olarǵa meditsinalyq brigadalar bardy.
Esterińizge sala keteiik, karantin jaǵdaiyna qaramastan, talaptardy saqtai otyryp, kásibin júrgizgen almatylyq kásipkerler indetke qarsy ekpe alyp bastady. KVI indetine qarsy kúreste kásiporyn ujymdaryna, ásirese saýda jáne qyzmet kórsetý salalaryna vaktsina alý mańyzdy. Almatyda 72 iri ónerkásip pen óndiristik kásiporyn bar. Emhanalarda qurylǵan mobildi brigadalar barlyq nysandaǵy uiymdarǵa vaktsina alýǵa barady.
