ەلەمدٸك پاندەمييا, ەلٸمٸزدەگٸ كوروناۆيرۋس ٸندەتٸ قاي سالاعا بولماسىن وڭاي تيمەگەنٸ انىق. ەسٸرەسە, شاعىن جەنە ورتا بيزنەسكە ايتارلىقتاي ىقپال ەتتٸ. دەگەنمەن, كارانتين جاعدايىنا قاراماستان, تالاپتاردى ساقتاي وتىرىپ, كەسٸبٸن جٷرگٸزگەن الماتىلىق كەسٸپكەرلەر ٸندەتكە قارسى ەكپە الىپ باستادى, - دەپ حابارلايدى «ۇلت اقپارات».
ايتا كەتەيٸك, كۆي ٸندەتٸنە قارسى كٷرەستە كەسٸپورىن ۇجىمدارىنا, ەسٸرەسە ساۋدا جەنە قىزمەت كٶرسەتۋ سالالارىنا ۆاكتسينا الۋ ماڭىزدى.
الماتىنىڭ "نەفروس ازييا" جەنە Future Trade Company كەسٸپورىندارىندا تيٸسٸنشە 70% جەنە 95% ۇجىم ەكپە الدى.
العاشقى اتالعان كومپانييانىڭ ٶڭٸرلٸك ديرەكتورى جۇلدىز نۇرسەيٸتوۆا قازاقستان بويىنشا مەديتسينالىق حولدينگتٸڭ 45 فيليالى بار ەكەنٸن ايتتى. بۇل گەمودياليز ورتالىقتارى, ولاردىڭ جۇمىسى ناۋقاستار ٷشٸن ماڭىزدى. سول ٷشٸن بارلىق ٶڭٸردە 1000-عا جۋىق قىزمەتكەر ەكپە الدى, بۇل ۇجىمنىڭ 70%-ىن قۇرايدى.
«بٷگٸندە باسقا قىزمەتكەرلەر كٷن سايىن 2-3 ادامنان ەكپە الۋدا. قىزمەتكەرلەر ەرٸكتٸ تٷردە ۆاكتسينا سالدىرۋدا. ولار ەمحانادا تۇرعىلىقتى جەرٸ بويىنشا ۆاكتسينا الادى. ۆاكتسينا جۇقتىرۋ قاۋپٸن ازايتۋعا كٶمەكتەسەدٸ دەپ سەنەمٸن. بٸزدٸڭ ورتالىقتاردا بارلىق سانيتارلىق-ەپيدەميولوگييالىق نورمالار ساقتالۋدا, ەلەۋمەتتٸك قاشىقتىق, بەتپەردە رەجيمٸ ساقتالۋدا, بٸراق بەرٸبٸر ٷيرەنشٸكتٸ ٶمٸر سالتىنا ورالعىم كەلەدٸ, بۇل جاعدايعا ۆاكتسينا الۋ كٶمەكتەسەدٸ»,– دەپ ويىمەن بٶلٸستٸ جۇلدىز نۇرسەيٸتوۆا.
"FUTURE TRADE COMPANY" جشس قىزمەتكەرلەرٸ جارتىلاي "قاشىقتا" جۇمىس ٸستەيدٸ. الايدا, ولار جۇمىستى ەدەتتەگٸدەي جالعاستىرعىسى كەلەدٸ, سوندىقتان ولار ۇجىم بولىپ ەكپە الادى. ولاردىڭ كومپانيياسى مەگاپوليستەگٸ ازىق-تٷلٸكتٸڭ نەگٸزگٸ ديستريبيۋتورى, سوندىقتان "وففلاين" رەجيمٸندە جۇمىس ٸستەۋ قيىن.
"مەنٸڭ ويىمشا بٸزدٸڭ ۇجىمدا 95%-ى ۆاكتسينا الدى. قازٸر وففلاين رەجيمدە جۇمىس ٸستەيتٸندەردٸڭ بارلىعى ۆاكتسينا العان نەمەسە اۋىرىپ قالعان قىزمەتكەرلەر. سونداي-اق انتيدەنەلەردٸڭ بولۋى تۋرالى انىقتاما بار. مەن ۆاكتسينانىڭ بٸرٸنشٸ كومپونەنتٸن الدىم, جاناما ەسەرلەر بولعان جوق, تەك ەلسٸزدٸك بار. بٷگٸن نەمەسە ەرتەڭ ۆاكتسينانىڭ ەكٸنشٸ كومپونەنتٸن الۋعا بارامىن. بۇل ٸندەتپەن كٷرەستەگٸ جالعىز قۇرال دەپ ويلايمىن", - دەيدٸ كەسٸپكەر دەۋلەت شاكيەۆ.
ايتا كەتەيٸك, بۇعان دەيٸن وڭتٷستٸك استانانىڭ كەسٸپورىندارىندا "الماتى ەلەكتر قالقانى زاۋىتى" جشس, "حيۋنداي ترانس" جشس, "كسم تەحنوۆيد" جشس, "ماسلو-دەل" جشس, 2-جەو قىزمەتكەرلەرٸ ۇجىمدىق تٷردە ۆاكتسينا الدى. ولارعا مەديتسينالىق بريگادالار باردى.
ەستەرٸڭٸزگە سالا كەتەيٸك, كارانتين جاعدايىنا قاراماستان, تالاپتاردى ساقتاي وتىرىپ, كەسٸبٸن جٷرگٸزگەن الماتىلىق كەسٸپكەرلەر ٸندەتكە قارسى ەكپە الىپ باستادى. كۆي ٸندەتٸنە قارسى كٷرەستە كەسٸپورىن ۇجىمدارىنا, ەسٸرەسە ساۋدا جەنە قىزمەت كٶرسەتۋ سالالارىنا ۆاكتسينا الۋ ماڭىزدى. الماتىدا 72 ٸرٸ ٶنەركەسٸپ پەن ٶندٸرٸستٸك كەسٸپورىن بار. ەمحانالاردا قۇرىلعان موبيلدٸ بريگادالار بارلىق نىسانداعى ۇيىمدارعا ۆاكتسينا الۋعا بارادى.
