Búginde Dýjnovqa adam óltirdi jáne bilik ókiline kúsh qoldandy degen aiyp taǵylyp otyr. Sot otyrysynda prokýror qylmystyq is materialdarynyń jai japsaryn aityp, tergeý qorytyndysyn oqydy.
"Kezekti kóshirý áreketi kezinde sottalýshy, sot oryndaýshysy men politsiiaǵa kedergi jasaý týraly sheshim qabyldaǵan. Ol kisi óltirýdi aldyn ala josparlap, ańshy myltyǵyn oqtap, saraida jasyrǵan.
Sot oryndaýshylary kelgende Dýjnov qaqpasyn eki saǵat ádeii ashpaǵan. Keiin sot oryndaýshysy men politseiler úidiń aýmaǵyna kirip, esikti jaýyp alǵan. Osy kezde Dýjnov óz josparyn iske asyrǵan. Ol ózin kóshirýge tyrysyp júrgen sot oryndaýshysy, úidiń jańa iesi, politsiiany bir-birlep atqan", - dedi prokýror.
Prokýror Igor Dýjnov saraiǵa kirip, ańshy myltyǵyn alyp shyqqanyn aitady.
"Dýjnov sot oryndaýshysyna, úidiń jańa iesine, politsiiaǵa qorshaýdan shyǵýǵa buiryq bergen. Ol aldymen sot oryndaýshysyn atyp, keiin politsiiaǵa oq jaýdyrǵan, keiin úidiń jańa iesi men dosyn atyp tastaǵan. Igor qorshaýdyń syrtyna júgirip shyǵyp, kóshede turǵan eki politsiia qyzmetkeri men úidiń jańa qojaiynynyń týystaryna oq jaýdyrǵan. Olar kóliktiń artyna jasyrynyp úlgergen", - dep qosty memlekettik aiyptaýshy.
Tergeýshilerdiń málimetinshe, Dýjnov jalpy alǵanda karabinnen 10 ret oq atqan, onyń toǵyzyn segiz sekýndta atqan.
Dýjnov adamǵa, beibitshilik pen qaýipsizdikke, qoǵamdyq qaýipsizdik pen tártipke, ákimshilik, sot tóreligi men jazany oryndaý tártibine qarsy aýyr jáne asa aýyr qylmystar jasady dep aiyptalyp otyr.
Sýdia taǵylǵan aiyptar arasynda ómir boiyna bas bostandyǵynan aiyrý jazasy baryn atap ótti. Sondyqtan sottalýshy alqabilerdiń qatysýyn talap ete alady. Alaida Dýjnovtyń advokattary alqabiler sotynan bas tartty.
