بٷگٸندە دۋجنوۆقا ادام ٶلتٸردٸ جەنە بيلٸك ٶكٸلٸنە كٷش قولداندى دەگەن ايىپ تاعىلىپ وتىر. سوت وتىرىسىندا پروكۋرور قىلمىستىق ٸس ماتەريالدارىنىڭ جاي جاپسارىن ايتىپ, تەرگەۋ قورىتىندىسىن وقىدى.
"كەزەكتٸ كٶشٸرۋ ەرەكەتٸ كەزٸندە سوتتالۋشى, سوت ورىنداۋشىسى مەن پوليتسيياعا كەدەرگٸ جاساۋ تۋرالى شەشٸم قابىلداعان. ول كٸسٸ ٶلتٸرۋدٸ الدىن الا جوسپارلاپ, اڭشى مىلتىعىن وقتاپ, سارايدا جاسىرعان.
سوت ورىنداۋشىلارى كەلگەندە دۋجنوۆ قاقپاسىن ەكٸ ساعات ەدەيٸ اشپاعان. كەيٸن سوت ورىنداۋشىسى مەن پوليتسەيلەر ٷيدٸڭ اۋماعىنا كٸرٸپ, ەسٸكتٸ جاۋىپ العان. وسى كەزدە دۋجنوۆ ٶز جوسپارىن ٸسكە اسىرعان. ول ٶزٸن كٶشٸرۋگە تىرىسىپ جٷرگەن سوت ورىنداۋشىسى, ٷيدٸڭ جاڭا يەسٸ, پوليتسييانى بٸر-بٸرلەپ اتقان", - دەدٸ پروكۋرور.
پروكۋرور يگور دۋجنوۆ سارايعا كٸرٸپ, اڭشى مىلتىعىن الىپ شىققانىن ايتادى.
"دۋجنوۆ سوت ورىنداۋشىسىنا, ٷيدٸڭ جاڭا يەسٸنە, پوليتسيياعا قورشاۋدان شىعۋعا بۇيرىق بەرگەن. ول الدىمەن سوت ورىنداۋشىسىن اتىپ, كەيٸن پوليتسيياعا وق جاۋدىرعان, كەيٸن ٷيدٸڭ جاڭا يەسٸ مەن دوسىن اتىپ تاستاعان. يگور قورشاۋدىڭ سىرتىنا جٷگٸرٸپ شىعىپ, كٶشەدە تۇرعان ەكٸ پوليتسييا قىزمەتكەرٸ مەن ٷيدٸڭ جاڭا قوجايىنىنىڭ تۋىستارىنا وق جاۋدىرعان. ولار كٶلٸكتٸڭ ارتىنا جاسىرىنىپ ٷلگەرگەن", - دەپ قوستى مەملەكەتتٸك ايىپتاۋشى.
تەرگەۋشٸلەردٸڭ مەلٸمەتٸنشە, دۋجنوۆ جالپى العاندا كارابيننەن 10 رەت وق اتقان, ونىڭ توعىزىن سەگٸز سەكۋندتا اتقان.
دۋجنوۆ ادامعا, بەيبٸتشٸلٸك پەن قاۋٸپسٸزدٸككە, قوعامدىق قاۋٸپسٸزدٸك پەن تەرتٸپكە, ەكٸمشٸلٸك, سوت تٶرەلٸگٸ مەن جازانى ورىنداۋ تەرتٸبٸنە قارسى اۋىر جەنە اسا اۋىر قىلمىستار جاسادى دەپ ايىپتالىپ وتىر.
سۋديا تاعىلعان ايىپتار اراسىندا ٶمٸر بويىنا باس بوستاندىعىنان ايىرۋ جازاسى بارىن اتاپ ٶتتٸ. سوندىقتان سوتتالۋشى القابيلەردٸڭ قاتىسۋىن تالاپ ەتە الادى. الايدا دۋجنوۆتىڭ ادۆوكاتتارى القابيلەر سوتىنان باس تارتتى.
