Foto: Tengrinews.kz
Qazaqstanda eshqashan beibit sherýshilerge qarsy qarý qoldanylǵan joq. Bul jaiynda QR Prezidenti Qasym-Jomart Toqaev aitty, dep habarlaidy QazAqparat agenttigi.
«Usynylǵan barlyq faktige qaramastan keibir derekózderi Qazaqstanda biliktiń beibit sherýshilermen kúresi júrip jatqanyn aitýda. Bul múldem jalǵan aqparat. Biz eshqashan beibit sherýshilerge qarsy qarý qoldanǵan joqpyz, qoldanbaimyz da. Osyny bilgen Qazaqstanǵa shabýyldaýshylar agressiianyń birneshe tolqynyn jasady», - dedi Memleket basshysy UQShU Ujymdyq qaýipsizdik keńesiniń kezekten tys sessiiasynda
Memleket basshysynyń atap ótýinshe, birinshi kezeńde beibit narazylyqtar boldy. Odan keiin Almatyda saiasi miting ótti.
«Sodan soń qalaǵa úsh baǵyttan qorqaýdyń úlken toby siiaqty qarýly sodyrlar lap berdi. Bastapqyda olar ózderin beibit sherýshiler retinde kórsetti. Quqyq qorǵaý kúshterin, tipti qala turǵyndaryn jańylystyrdy. Al sodan keiin tarihta Almaty tragediiasy dep atalatyn jait oryn aldy», - dedi Qasym-Jomart Toqaev.
Aita keteiik, búgin UQShU Ujymdyq qaýipsizdik keńesiniń kezekten tys sessiiasy ótip jatyr. Jiyn Qazaqstan tarapynyń bastamasymen shaqyryldy.
