فوتو: Tengrinews.kz
قازاقستاندا ەشقاشان بەيبٸت شەرۋشٸلەرگە قارسى قارۋ قولدانىلعان جوق. بۇل جايىندا قر پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات اگەنتتٸگٸ.
«ۇسىنىلعان بارلىق فاكتٸگە قاراماستان كەيبٸر دەرەكٶزدەرٸ قازاقستاندا بيلٸكتٸڭ بەيبٸت شەرۋشٸلەرمەن كٷرەسٸ جٷرٸپ جاتقانىن ايتۋدا. بۇل مٷلدەم جالعان اقپارات. بٸز ەشقاشان بەيبٸت شەرۋشٸلەرگە قارسى قارۋ قولدانعان جوقپىز, قولدانبايمىز دا. وسىنى بٸلگەن قازاقستانعا شابۋىلداۋشىلار اگرەسسييانىڭ بٸرنەشە تولقىنىن جاسادى», - دەدٸ مەملەكەت باسشىسى ۇقشۇ ۇجىمدىق قاۋٸپسٸزدٸك كەڭەسٸنٸڭ كەزەكتەن تىس سەسسيياسىندا
مەملەكەت باسشىسىنىڭ اتاپ ٶتۋٸنشە, بٸرٸنشٸ كەزەڭدە بەيبٸت نارازىلىقتار بولدى. ودان كەيٸن الماتىدا ساياسي ميتينگ ٶتتٸ.
«سودان سوڭ قالاعا ٷش باعىتتان قورقاۋدىڭ ٷلكەن توبى سيياقتى قارۋلى سودىرلار لاپ بەردٸ. باستاپقىدا ولار ٶزدەرٸن بەيبٸت شەرۋشٸلەر رەتٸندە كٶرسەتتٸ. قۇقىق قورعاۋ كٷشتەرٸن, تٸپتٸ قالا تۇرعىندارىن جاڭىلىستىردى. ال سودان كەيٸن تاريحتا الماتى تراگەديياسى دەپ اتالاتىن جايت ورىن الدى», - دەدٸ قاسىم-جومارت توقاەۆ.
ايتا كەتەيٸك, بٷگٸن ۇقشۇ ۇجىمدىق قاۋٸپسٸزدٸك كەڭەسٸنٸڭ كەزەكتەن تىس سەسسيياسى ٶتٸپ جاتىر. جيىن قازاقستان تاراپىنىڭ باستاماسىمەن شاقىرىلدى.
