Almatyǵa kireberiste jańartylǵan ekopostar jumys istei bastady. Sońǵy jeti aida tekserilgen kólikterdiń 2226-nda ziiandy zat normasynan asyp ketkeni anyqtaldy. Bul týraly Almaty qalasy jasyl ekonomika basqarmasynyń basshysy Natalia Livinskaia onlain brifing barysynda aitty, dep habarlaiady QazAqparat.
«Almatyǵa kireberiste jańartylǵan ekopostar jumys istei bastady. Qalada bes ekopost jáne bir mobildi ekopatrýl bar. Olar arnaiy qondyrǵylarmen: gaz analizatorymen jáne opasimetrmen jabdyqtalǵan. Barlyq bekette kezekshi ekologiialyq operatorlar men jerigilikti politsiia qyzmeti jumys isteidi. Almaty qalasynyń ekologiialyq jaǵdaiyn jaqsartý úshin júk kólikterin, mamandandyrylǵan jáne qurylys tehnikalaryn paidalanylǵan gazdardyń ýyttylyǵy boiynsha tekserý kúsheitildi»,- dedi ol.
Sonymen qatar, ol ekologiialyq normaǵa sai kelmeitin kólik ielerine aiyppul salynantynyn aitty
«Barlyq ekopost ar men mobildi ekopatrýldi paidalaný kezinde 60 myń ólshem birligi jasaldy. 2020 jyldyń qarashasynan 2021 jyldyń mamyryna deiin 2265 avtokólikte shamadan tys nátije tirkelgen. Ekologiialyq normaǵa sai kelmeitin kólik ielerine alǵashynda eskertý jasalady, ekinshi ret ustalsa aiyppul salynady. Sondai-aq qazir ýly zatty shamadan tys bóletin júk kólikteri qalaǵa kirgizilmeitin boldy»,- dedi Natalia Livinskaia.
Onyń aitýynsha, qalaǵa kireberiste burynnan kele jatqan on ekopost jáne jaqynda ashylǵan alty beket jumys istep tur.
Aldaǵy ýaqytta olardyń sany 19-ǵa deiin jetpek.
