Almaty qalasynda bir táýlikte 1,7 myńnan astam adam koronavirýs vaktsinasyn saldyrdy, dep habarlaidy "Ult aqparat".
«10 mamyr kúni 1 772 almatylyq vaktsina saldyrdy. Turǵyndar úsh vaktsinanyń ishinen tańdaý jasai alady. Atap aitar bolsaq, «Spýtnik-V», nyń QazVac jáne Hayat-Vax ekpesi», - dep habarlady qalalyq Qoǵamdyq densaýlyq saqtaý basqarmasynyń baspasóz qyzmetinen.
Biyl 1 aqpan men 10 mamyr aralyǵynda qalada barlyǵy 252 431 adamǵa ekpe salyndy. Olardyń arasynda 60 jastan asqan qart kisiler sany - 30 357.
«Jalpy dozada qazaqstandyq QazVac vaktsinasy 3 000 dana, iaǵni 15 kúnniń ishinde 2 967 adam vaktsina aldy. 3 mamyr kúni qytaidyń Sinopharm vaktsinasynyń 15 myń dozasy jetkizildi, onyń birinshi komponenti 1 048 adam egildi», dep atap ótti basqarmadan.
Búgingi kúni qalada 214 pýnkt jumys istep tur. 1 282 adamnan turatyn 315 egý brigadasy bar. Sonymen qatar, 40 kóshpeli mobildi brigada uiymdastyryldy.
«Qazirgi meditsinalyq uiymdarda, mektepterde, mádeniet, sport obektilerinde, bazarlar men qalanyń SOSO-da vaktsinatsiia pýnkti jumys isteidi», - dep naqtylady Qoǵamdyq densaýlyq saqtaý basqarmasy.
