Almaty ákimdigi shetelden kelgen ushaq jolaýshylarynyń arasyndaǵy koronavirýs kórsetkishi týraly aqparat jariialady, dep habarlaidy "Ult aqparat".
«Byltyr qazannan bastap qańtarǵa deiin Almaty halyqaralyq áýejaiyna 109 724 jolaýshysy bar 773 reis keldi. Onyń ishinde COVID-19 – ǵa teris nátijesi bar anyqtamalarmen – 97430, anyqtamasyz 12294 adam kelgen. Onyń ishinde PTR-taldaýdy tapsyrǵannan keiin arnaiy karantin statsionarynda 79 adamnyń nátijesi belgili boldy (Túrkiiadan kelgen jolaýshylar arasynda - 30 jaǵdai, BAÁ-18 jaǵdai, Egipet – 23 jaǵdai, Belarýs – 5, Ýkraina – 1, Maldiv araldarynan -2 jolaýshy). Qalanyń halyqaralyq áýejaiynda sanepidbaqylaýdy kúsheitý sharalary jalǵasýda. Sondai-aq, anyqtamanyń joqtyǵynan 31 shetel azamaty keri qaitaryldy», - dedi ákimdikten.
Mamandardyń aitýynsha, álemde epidemiialyq jaǵdai ýshyǵa túsýde. Birqatar el infektsiiany juqtyrý jaǵdailarynyń ósýine jol bermeý úshin qosymsha sharalar engizip jatyr. Mysaly, Ońtústik Koreia úkimeti áleýmettik qashyqtyq saqtaýdy taǵy eki aptaǵa uzartty. 15 aqpanǵa deiin azamattarǵa COVID-19 taralýynyń jalǵasýyna bailanysty shetelge saparlardy boldyrmaý nemese keiinge qaldyrýdy usynady. Jeksenbide Avstriia Úkimeti Ulttyq karantindi 7 aqpanǵa deiin uzartatynyn jariialady. Ulybritaniia 18 qańtardan 15 aqpanǵa deiin koronavirýstyń jańa shtamdarynyń ákelinýine jol bermeý úshin barlyq týristik dálizderdi jaýyp jatyr.
