الماتى ەكٸمدٸگٸ شەتەلدەن كەلگەن ۇشاق جولاۋشىلارىنىڭ اراسىنداعى كوروناۆيرۋس كٶرسەتكٸشٸ تۋرالى اقپارات جارييالادى, دەپ حابارلايدى "ۇلت اقپارات".
«بىلتىر قازاننان باستاپ قاڭتارعا دەيٸن الماتى حالىقارالىق ەۋەجايىنا 109 724 جولاۋشىسى بار 773 رەيس كەلدٸ. ونىڭ ٸشٸندە COVID-19 – عا تەرٸس نەتيجەسٸ بار انىقتامالارمەن – 97430, انىقتاماسىز 12294 ادام كەلگەن. ونىڭ ٸشٸندە پتر-تالداۋدى تاپسىرعاننان كەيٸن ارنايى كارانتين ستاتسيونارىندا 79 ادامنىڭ نەتيجەسٸ بەلگٸلٸ بولدى (تٷركييادان كەلگەن جولاۋشىلار اراسىندا - 30 جاعداي, باە-18 جاعداي, ەگيپەت – 23 جاعداي, بەلارۋس – 5, ۋكراينا – 1, مالديۆ ارالدارىنان -2 جولاۋشى). قالانىڭ حالىقارالىق ەۋەجايىندا سانەپيدباقىلاۋدى كٷشەيتۋ شارالارى جالعاسۋدا. سونداي-اق, انىقتامانىڭ جوقتىعىنان 31 شەتەل ازاماتى كەرٸ قايتارىلدى», - دەدٸ ەكٸمدٸكتەن.
مامانداردىڭ ايتۋىنشا, ەلەمدە ەپيدەمييالىق جاعداي ۋشىعا تٷسۋدە. بٸرقاتار ەل ينفەكتسييانى جۇقتىرۋ جاعدايلارىنىڭ ٶسۋٸنە جول بەرمەۋ ٷشٸن قوسىمشا شارالار ەنگٸزٸپ جاتىر. مىسالى, وڭتٷستٸك كورەيا ٷكٸمەتٸ ەلەۋمەتتٸك قاشىقتىق ساقتاۋدى تاعى ەكٸ اپتاعا ۇزارتتى. 15 اقپانعا دەيٸن ازاماتتارعا COVID-19 تارالۋىنىڭ جالعاسۋىنا بايلانىستى شەتەلگە ساپارلاردى بولدىرماۋ نەمەسە كەيٸنگە قالدىرۋدى ۇسىنادى. جەكسەنبٸدە اۆسترييا ٷكٸمەتٸ ۇلتتىق كارانتيندٸ 7 اقپانعا دەيٸن ۇزارتاتىنىن جارييالادى. ۇلىبريتانييا 18 قاڭتاردان 15 اقپانعا دەيٸن كوروناۆيرۋستىڭ جاڭا شتامدارىنىڭ ەكەلٸنۋٸنە جول بەرمەۋ ٷشٸن بارلىق تۋريستٸك دەلٸزدەردٸ جاۋىپ جاتىر.
