Almaty qoǵamdyq densaýlyq basqarmasynyń basshysy Nariman Tabynbaev ortalyq kommýnikatsilar qyzmetinde ótken brifingte Pfizer vaktsinasy qalaǵa qashan jetkiziletinin aitty, dep habarlaidy QazAqparat.
«Pfizer vaktsinasy tórtinshi toqsanda jetkiziledi dep josparlanǵan bolatyn. Almatyda 20 qazannan keiin bolady degenbiz. Almatyǵa ázirge 130-dan 160 myń dozaǵa deiin vaktsina ákelý josparlanǵan. Biraq Almaty úshin áli de kvota bólý jaǵynan naqtylaý júrgizilip jatyr», - dep jaýap berdi ol ortalyq kommýnikatsiialar qyzmetinde ótken brifingte.
Qalanyń bas sanitar dárigeri Jandarbek Bekshin balalarǵa Pfizer vaktsinasyn alýǵa bolatynyn tilge tiek etti.
«Almatyǵa Pfizer vaktsinasy ákelinse, biz 306 myń oqýshy men stýdentke vaktsinatsiia jasai alamyz. Bul immýndyq qabatty arttyrýǵa múmkindik beredi. Al ol óz kezeginde aýrý deńgeiiniń tómendeýine áser etetini sózsiz», - dedi Bekshin.
