Almaty qalalyq Qoǵamdyq densaýlyq basqarmasynyń basshysy Nariman Tabynbaev onlain brifing barysynda 1 aqpannan bastap júrgiziletin vaktsinatsiia máselesi týraly aitty, dep habarlaidy "Ult aqparat".
Onyń málimetinshe, qańtardyń sońynda Almatyǵa reseilik SPÝTNIK-V vaktsinasynyń 1 450 dozasy (290 quty) kelip túsedi. Emhanalar úshin vaktsinany saqtaýǵa arnalǵan tońazytqysh jabdyqtar men qoimadan vaktsinatsiia kabinetine deiin tasymaldaýǵa arnalǵan tońazytý elementteri bar konteinerler satyp alyndy. Aqpan aiyna 6 myń doza jáne shilde aiyna deiin 150 myń doza alý josparlanyp otyr.
Aita keteiik, búginde qazaqstandyq QazCovid-in vaktsinasy klinikalyq synaqtardyń sońǵy satysynan ótip jatyr. Maýsym aiynda synaqtyń 3-fazasynan ótken jaǵdaida halyqty immýndaý úshin emhanalarǵa kelip túsedi.
«Sanitarlyq-epidemiologiialyq sharalar talaptaryn saqtaýdyń mańyzdylyǵyn taǵy da atap ótkim keledi. Erteńgi kúni qaitadan juqtyryp alý qaýpinsiz qalypty ómirge oralýymyz úshin, Almaty qalasynyń barlyq turǵyndaryn saq bolýǵa jáne aldyn alý sharalaryn ustanýǵa shaqyramyn. Búgingi kúni qol jetkizilgen nátijelerdi paidalanyp, olardy nyǵaitý mańyzdy ról atqarady», - dedi Nariman Tabynbaev.
Bul vaktsinalar alǵashqy meditsinalyq sanitarlyq kómek uiymdarynyń, infektsiialyq aýrýhanalar men statsionarlardyń, sanepid baqylaý qyzmetiniń mamandary men jedel járdem qyzmetkerleriniń arasynda taratylady.
«Vaktsina erikti túrde salynady. Eger mamandar qarsy bolsa, salynbaidy. Ekinshi kezeńinde ekpe muǵalimder, basqa meditsinalyq qyzmetkerler, esepte turǵan naýqastarǵa jasalady», - dedi ol.
Onyń aitýynsha, vaktsina «SQ-Farmatsiia» arqyly satyp alynady.
