Bokstan 2021 jylǵy Aziia chempionatyna qatysqan komandanyń bir bóligi Almaty qalasynyń halyqaralyq áýejaiyna oraldy, dep habarlaidy "Ult aqparat" Qazaqstannyń boks federatsiiasyna silteme jasap.
Jeńimpazdar men jattyqtyrýshylardy ata-analary, dostary, Almaty qalasynyń boks federatsiiasy, jergilikti sport jáne dene shynyqtyrý basqarmasy jáne basqalary qarsy aldy.
Ońtústik astanaǵa ushyp kelgenderdiń arasynda jańa chempiondar – Alýa Balqybekova, Nazym Qyzaibai, Fariza Sholtai, kúmis júldegerler Ábilhan Amanqul men Qamshybek Qońqabaev boldy.
Esterińizge sala keteiin, Aziia chempionatynda bokstan erler men áielder arasyndaǵy Qazaqstan quramalary medaldik esepte jalpykomandalyq birinshi oryndy jeńip aldy. Dýbai qalasynda bizdiń sportshylar 8 altyn, 6 kúmis jáne eki qola medal ielendi.
Komandanyń basym bóligi 3 maýsymda Qazaqstanǵa oralady. Erler quramasy 3 maýsym kúni tańǵy 7.55-te Nur-Sultan qalasyna ushyp keldi. Áielder quramasy keshki reispen saǵat 21.20-da keledi.
