Almatyǵa 1 mln astam «Paratsetamol» jetkizildi. Bul týraly «INKAR» JShS bas direktory Áliia Erimbetova aitty, dep habarlaidy "Ult aqparat".
Búgin Saǵyntaevtyń basshylyǵymen ótken selektorlyq jiyn barysynda, «INKAR» JShS bas direktory Áliia Erimbetova dárihanalar aldyndaǵy kezektiń ne sebepti paida bolǵanyn túsindirdi.
«Kezekter bar, áleýmettik qashyqtyqty saqtaý kerek ekenin eskere otyryp, 20-25 adamnan artyq kirgizbeimiz. Naýqastar sany kóp, biraq biz jaǵdaidyń túzelip kele jatqanyn baiqap otyrmyz. Almatyǵa taýar toqtaýsyz kelýde, «INKAR» JShS-na 1 mln astam «Paratsetamol» keldi. Júkti jóneltýge bailanysty adami faktor turǵysynan úlken qiyndyqtar bar,soǵan qaramastan, qazir búkil keńse jumys istep tur», - dedi Áliia Erimbetova.
Onyń aitýynsha, farmkompaniialar mundai dúrligýdi kútken joq.
«Biz barlyq aýrýhanalardy taýarlarmen qamtamasyz etemiz, bazar mundai suranysqa ie bolmady, antibiotikter ádette tek retsept boiynsha satylǵan. Naýryz aiynan bastap aqparat quraldarynda kóptegen nárseler jazyldy, degenmen, el men qala basshylyǵy jaǵdaidy sheshýge, jeńýge óte múddeli dep sanaimyn, ol úshin kóptegen durys qadamdar jasaldy. Biz ushaqtardy aqysyz jetkizý uiymyn kútemiz - endi jetkizýshini tańdaý qalady. Qazir úkimet bárine qolaily bolý joldaryn qarastyrýda - barlyq múmkin nárseni tezdetip, jeńildetýde. Óz kezeginde, óndirýshiler halyq úshin ótkizý júiesi jolǵa qoiylǵan eski kompaniialardyń jetkizýine basymdyq bered», - dep atap ótti ol.
Sonymen qatar, ol dárihanalarda koronavirýs pandemiiasyn eskere otyryp, halyq arasynda eń tanymal 41 dári-dármektiń bar ekendigi týraly túsindirdi.
«Bir aptanyń ishinde deksametazon men eń tapshy ónimderge degen shielenis azaiady», - dedi Áliia Erimbetova.
