Foto: ShQO Politsiia departamenti
Shyǵys Qazaqstanda internet arqyly basqarylatyn esirtki saýdasynyń kezekti tetigi anyqtaldy. Almatydan arnaiy kelgen kýrer Óskemende qolǵa tústi, dep habarlaidy Ult.kz.
Shyǵys Qazaqstan oblysynyń politseileri psihotroptyq zattardy taratýmen ainalysqan internet-dúken kýreriniń zańsyz qyzmetin toqtatty.
Óskemen qalasy politsiia basqarmasynyń esirtki qylmysyna qarsy is-qimyl bóliminiń qyzmetkerleri jaldamaly páterde turyp, tyiym salynǵan zattardy taratqan 30 jastaǵy er adamdy ustady.
Tintý barysynda kúdiktiden untaq tárizdi zaty bar 12 túiinshek pen uialy telefon tárkilendi. Sonymen qatar páterdi tekserý kezinde taǵy bes telefon tabylǵan. Saraptama nátijesi tárkilengen zattyń jalpy salmaǵy 20 gramnan asatyn «a-PVP» psihotroptyq zaty ekenin kórsetti. Qoldanystaǵy zańnamaǵa sáikes bul – iri mólsher.
Politsiia málimetinshe, kúdikti 2026 jyldyń qańtar aiynda Almatyda Telegram arqyly kýrer-jasyrýshy retinde jumysqa ornalasqan. Keiin kýratordyń tapsyrmasymen Óskemenge kelip, páter jaldap, esirtki taratýdy jalǵastyrǵan.
Qazirgi ýaqytta ol ýaqytsha ustaý izoliatoryna qamaldy. Sotqa deiingi tergeý amaldary júrgizilip jatyr.
