فوتو: شقو پوليتسييا دەپارتامەنتٸ
شىعىس قازاقستاندا ينتەرنەت ارقىلى باسقارىلاتىن ەسٸرتكٸ ساۋداسىنىڭ كەزەكتٸ تەتٸگٸ انىقتالدى. الماتىدان ارنايى كەلگەن كۋرەر ٶسكەمەندە قولعا تٷستٸ, دەپ حابارلايدى Ult.kz.
شىعىس قازاقستان وبلىسىنىڭ پوليتسەيلەرٸ پسيحوتروپتىق زاتتاردى تاراتۋمەن اينالىسقان ينتەرنەت-دٷكەن كۋرەرٸنٸڭ زاڭسىز قىزمەتٸن توقتاتتى.
ٶسكەمەن قالاسى پوليتسييا باسقارماسىنىڭ ەسٸرتكٸ قىلمىسىنا قارسى ٸس-قيمىل بٶلٸمٸنٸڭ قىزمەتكەرلەرٸ جالدامالى پەتەردە تۇرىپ, تىيىم سالىنعان زاتتاردى تاراتقان 30 جاستاعى ەر ادامدى ۇستادى.
تٸنتۋ بارىسىندا كٷدٸكتٸدەن ۇنتاق تەرٸزدٸ زاتى بار 12 تٷيٸنشەك پەن ۇيالى تەلەفون تەركٸلەندٸ. سونىمەن قاتار پەتەردٸ تەكسەرۋ كەزٸندە تاعى بەس تەلەفون تابىلعان. ساراپتاما نەتيجەسٸ تەركٸلەنگەن زاتتىڭ جالپى سالماعى 20 گرامنان اساتىن «ا-PVP» پسيحوتروپتىق زاتى ەكەنٸن كٶرسەتتٸ. قولدانىستاعى زاڭناماعا سەيكەس بۇل – ٸرٸ مٶلشەر.
پوليتسييا مەلٸمەتٸنشە, كٷدٸكتٸ 2026 جىلدىڭ قاڭتار ايىندا الماتىدا Telegram ارقىلى كۋرەر-جاسىرۋشى رەتٸندە جۇمىسقا ورنالاسقان. كەيٸن كۋراتوردىڭ تاپسىرماسىمەن ٶسكەمەنگە كەلٸپ, پەتەر جالداپ, ەسٸرتكٸ تاراتۋدى جالعاستىرعان.
قازٸرگٸ ۋاقىتتا ول ۋاقىتشا ۇستاۋ يزولياتورىنا قامالدى. سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
