Almatydan Qaraǵandyǵa ushaqpen 6 myń teńgege barýǵa bolady. Bul jaiynda «FlyArystan» biýdjettik áýe kompaniiasynyń Instagramdaǵy paraqshasynda jariialandy, dep habarlaidy QazAqparat.
Taratylǵan aqparatqa qaraǵanda, Almatydan Qaraǵandyǵa bir baǵyttaǵy bilet quny 5 999 teńgeden bastalatyndyǵy aitylǵan. Sonymen qatar, bul somaǵa qosymsha servistik alymdar qosylýy múmkin ekendigi eskertilgen.
Buǵan deiin mamyr aiynnan bastap jolaýshylarǵa qyzmet kórsete bastaityn Qazaqstannyń alǵashqy loýkosteri «Fly Arystan» kompaniiasy bilet baǵasynyń tómen bolýyna birneshe faktor sebep ekendigin málim etken bolatyn.
«Únemdilik birneshe faktorǵa bailanysty. Loýkosterler janarmaidy únemdi túrde jumsaityn jańa ushaqtardy paidalanýdy artyq kóredi. Biznes klasstyń bolmaýy otyratyn oryndyqtardyń sanyn arttyrady. Ushaqtyń bir túrin paidalanýy, álemdik qaýipsizdik standarttaryna sai bolý úshin tehnikalyq qyzmet kórsetýi jáne ekipaj oqýy bir baǵdarlama boiynsha ótedi. Biletterdi neǵurlym erte satyp alsańyz baǵasy soǵurlym arzanǵa túsetin bolady», - dep atap ótedi kompaniia ókilderi.
Fly Arystan kompaniiasy ushaqtarynda jolaýshylar ózderimen 5 kelige deiin ǵana júkti tegin alyp júre alady. Eger qol júgińizdiń salmaǵy 10 kelige jete qabyl bolsa onda ushý uzaqtyǵyna bailanysty 2500-3000 teńge tóleýińizge týra keledi. Al qol júgińizden bólek zatyńyzdyń salmaǵy 15 keli bolsa 3 500 teńge, 20 kelige 4 000 teńge, 60 kelige 12 myń teńge tóleisiz. Ushý ýaqytyńyz 2,5 saǵattan asyp ketse, onda atalǵan salmaqtaǵy júgińizge tóleitin 1 myń teńgege qymbatqa túsedi.
Ushaqpen úi janýalarlaryn alyp júrýińizge de bolady. Janýardy bortqa alyp kirseńiz ushý ýaqytyna bailanysty 6 000-8 000 teńge, júk bólimimen alyp júrseńiz 20 000-26 000 teńge shyǵyndaisyz. Sporttyq kerek-jaraq alyp júrý úshin de 5-7 myń teńge mólsherinde aqsha tóleisiz. Ushaqta oryn tańdaý da aqyly. Ózińiz qalaǵan orynǵa otyrý úshin 1 500-7 000 teńge aralyǵynda qarajat jumsaýyńyzǵa týra keledi.
