Biylǵy birinshi toqsannyń qorytyndysy boiynsha memlekettik biýdjetke 929 mlrd teńge salyq tústi. Bul týraly Almaty qalasy boiynsha memlekettik kirister departamentiniń basshysy Qanat Baedilov málim etti, dep habarlaidy QazAqparat.
Spikerdiń brifingte keltirgen kórsetkishin ótken jyldyń osy kezeńimen salystyrǵanda, 53 %-ǵa nemese 322 mlrd teńgege artyq ekeni baiqalady. Munyń ishinde, respýblikalyq biýdjetke 675 mlrd teńge túsken. Bul 2021 jylǵa qaraǵanda 237 mlrd teńgege kóp, iaǵni ósý qarqyny - 54 paiyz. Jergilikti biýdjetke 254 mlrd teńge tústi.
«Búgingi kúnge qol jetken qarqyndy biz saqtaýǵa mindettimiz. Bul jaǵdaida jyl sońynda Almaty qalasynyń memlekettik biýdjetine túsimi alǵash ret 3 trillion teńgeden asatyn bolady, bul - biz úshin mańyzdy oqiǵa», - dedi Qanat Baedilov.
Aita keteiik, respýblikanyń memlekettik biýdjetindegi Almatynyń úlesi zor.
«Bizdiń qalamyzdyń respýblikalyq biýdjetke túsim boiynsha «donor» ekeni barshaǵa aian. Mysaly, byltyr Almaty qalasynyń biýdjetinen respýblikalyq biýdjetke shamamen 190 mlrd teńge alyndy», - deidi spiker.
