بيىلعى بٸرٸنشٸ توقساننىڭ قورىتىندىسى بويىنشا مەملەكەتتٸك بيۋدجەتكە 929 ملرد تەڭگە سالىق تٷستٸ. بۇل تۋرالى الماتى قالاسى بويىنشا مەملەكەتتٸك كٸرٸستەر دەپارتامەنتٸنٸڭ باسشىسى قانات باەدٸلوۆ مەلٸم ەتتٸ, دەپ حابارلايدى قازاقپارات.
سپيكەردٸڭ بريفينگتە كەلتٸرگەن كٶرسەتكٸشٸن ٶتكەن جىلدىڭ وسى كەزەڭٸمەن سالىستىرعاندا, 53 %-عا نەمەسە 322 ملرد تەڭگەگە ارتىق ەكەنٸ بايقالادى. مۇنىڭ ٸشٸندە, رەسپۋبليكالىق بيۋدجەتكە 675 ملرد تەڭگە تٷسكەن. بۇل 2021 جىلعا قاراعاندا 237 ملرد تەڭگەگە كٶپ, ياعني ٶسۋ قارقىنى - 54 پايىز. جەرگٸلٸكتٸ بيۋدجەتكە 254 ملرد تەڭگە تٷستٸ.
«بٷگٸنگٸ كٷنگە قول جەتكەن قارقىندى بٸز ساقتاۋعا مٸندەتتٸمٸز. بۇل جاعدايدا جىل سوڭىندا الماتى قالاسىنىڭ مەملەكەتتٸك بيۋدجەتٸنە تٷسٸمٸ العاش رەت 3 تريلليون تەڭگەدەن اساتىن بولادى, بۇل - بٸز ٷشٸن ماڭىزدى وقيعا», - دەدٸ قانات باەدٸلوۆ.
ايتا كەتەيٸك, رەسپۋبليكانىڭ مەملەكەتتٸك بيۋدجەتٸندەگٸ الماتىنىڭ ٷلەسٸ زور.
«بٸزدٸڭ قالامىزدىڭ رەسپۋبليكالىق بيۋدجەتكە تٷسٸم بويىنشا «دونور» ەكەنٸ بارشاعا ايان. مىسالى, بىلتىر الماتى قالاسىنىڭ بيۋدجەتٸنەن رەسپۋبليكالىق بيۋدجەتكە شامامەن 190 ملرد تەڭگە الىندى», - دەيدٸ سپيكەر.
