Foto: facebook.com/Ashat Qasenǵali
Almatydaǵy jer silkinisinen keiin qalada jeke sektordaǵy úilerdiń baǵasy qymbattai tústi. Bul týraly Qazaqstan rieltorlary birlesken qaýymdastyǵy prezidentiniń keńesshisi Nina Lýkianenko aitty, - dep habarlaidy «Ult aqparat» Kazinformǵa silteme jasap.
«Jer silkinisinen keiin jeke sektordaǵy nysandardy satý men jaldaýǵa qyzyǵýshylyqtyń birshama artqany baiqaldy. Osynyń aiasynda kei adamdar baǵany azdap kóterdi. Biraq, mundai qyzyǵýshylyq mámilelerge esh áser etpedi. Bul jait úi men páter boiynsha mámileler qurylymyndaǵy úlestiń qaita bólinýine aita qoiarlyqtai áser etedi dep aita almaimyn», — dedi ol agenttik tilshisine bergen suhbatynda.
Onyń atap ótýinshe, jer silkinisinen keiin úi-jailardyń qaýipsizdigin tekserý máselesi ótkir kóterildi.
«Jer silkinisinen keiingi alańdaýshylyq turǵyn úilerdiń nemese eski turǵyn úi qorynyń qaýipsizdigi, úilerdiń tektonikalyq opyrylý qaýpi bar aimaqta ornalasýy, ǵimarattardyń beriktigi syndy máselelerdi talqylaýǵa qarai oiysty. Degenmen, sarapshylardyń sendirýinshe, úiler aimaqtyń seismikalyq qaýpi eskerile otyryp salynady. Qurylys barysynda qajetti ólshemsharttar saqtalady. Iaǵni, alańdaýǵa esh negiz joq», — dedi Nina Lýkianenko.
