Foto:Berik Ýálidiń feisbýk paraqshasynan
Prezident Qasym-Jomart Toqaevqa Tótenshe jaǵdailar ministri Shyńǵys Árinov Almatydaǵy jer silkinisine bailanysty vedomstvonyń atqaryp jatqan jumystary týraly baiandady dep habarlaidy "Ult Aqparat".
Bul týraly prezident keńesshisi Berik Ýáli óziniń Feisbýk paraqshasynda málimdedi.
"Memleket basshysynyń tapsyrmalaryna negizdelgen is-qimyldar algoritmi óz deńgeiinde oryndaldy.
Qazir qaladaǵy jaǵdai qalypty, barlyq tiisti mekemeler bekitilgen josparǵa sáikes jumys istep jatyr.
Prezident ministrge megapolis turǵyndarynyń amandyǵyn saqtaý jáne Almatydaǵy jaǵdaidy baqylaýdy qamtamasyz etý úshin qala ákimi Erbolat Dosaevpen, sondai-aq qaladaǵy barlyq jaýapty mekemelermen tyǵyz qarym-qatynasta jumys isteýdi jalǵastyrýdy tapsyrdy", - delingen Berik Ýálidiń áleýmettik jelidegi paraqshasynda.
