2021 jyly Sairan kóliniń tabany, Áýejai kólin jáne «Qarasý» shaǵynaýdanyndaǵy toǵandy tazartý josparda bar, dep habarlaidy "Ult aqparat".
Qazirgi ýaqytta, Almaty qalasynyń Jasyl ekonomika basqarmasy 2020 jylǵy jeltoqsannan bastap Sairan sý qoimasy, Aeroport kóli jáne Qarasý shaǵyn aýdanyndaǵy toǵandy mehanikalyq tazalaýǵa JSQ ázirlenip jatyr.
Joba 2021 jyldyń maýsymyna deiin saraptamadan ótedi. Qarajat bólingennen keiin sý aidyndaryn tazalaý jumysy bastalady.
Tehnikalyq erekshelikke sáikes, joba kelesi mindetterdi qamtidy:
- sý túbin tunba men shógindilerden tazartý;
- jobada jergilikti jaǵdailarǵa jáne mamandandyrylǵan tehnikanyń bolýyna bailanysty tazartýdyń neǵurlym qolaily tásilin (nemese tásilder kombinatsiiasyn) anyqtaý;
- jaǵalaýdy qoqystan tazartý;
- sý aidyndarynyń túbin jáne jaǵalaýdy ósimdikterden (qamys, baldyr, jabaiy ósindiler) tazartý;
- tunba kóp jinalǵan aimaqtardy tereńdetý (zertteý nátijeleri boiynsha anyqtaý);
- eroziiaǵa jáne shaiylýǵa ushyraǵan jekelegen ýchaskelerde jaǵalaýdy bekitý qurylǵysy.
Jumys jobasynda mynalar qamtylady:
- sý obektileriniń ekologiialyq jai-kúiin qalpyna keltirý, qorǵaý sharalary;
- sý basý jáne sýdyń tirshilik áreketin buzý qaýpi men saldarlaryn azaitý sharalary;
- gidrotehnikalyq qurylystardyń qaýipsiz jumys isteýin qamtamasyz etý;
- sý qoimalarynyń gidravlikalyq sipattamalaryn, uzaq ýaqyt boiy alynǵan oń ózgeristeri saqtaý;
- Áýejai kóliniń sý qorǵaý beldeýin qalpyna keltirý, abattandyrý.
