Koronavirýsqa bailanysty Abai atyndaǵy Qazaq ulttyq ýniversitetiniń birinshi kýrs stýdentteri alǵashqy semestr aiaqtalǵansha qashyqtan oqityn boldy, dep habarlaidy QazAqparat.
Abai atyndaǵy QazUPÝ-dyń birinshi kýrs stýdentteri jataqhanadan shyǵaryla bastady. Bul týraly osy oqý ornynda oqityn stýdenttiń ápkesi aitty.
«Qyrkúiek aiy aiaqtalýǵa jaqyn qaldy, oqý protsesi áli de durys jolǵa qoiylǵan joq. Stýdentter ary-beri sandalyp júr. Aldymen olar oqý oflain rejiminde bolatynyn aitty, biz kelgen boida oqý onlain formatqa aýysqanyn jetikizdi. Sonymen qatar, eshkim jol shyǵynyn ótemeidi. Birinshi kýrs stýdentteri jataqhanadan bir kún ótpei-aq shyǵaryldy. Keibir kámeletke tolmaǵan stýdentter kóshede qaldy. Kóptegen ata-ana balalaryn ornalastyryp ketip qalǵan. Olar oqý ornyna senip tapsyrdy ǵoi. Al tańerteń balalar kóshede qalǵany belgili boldy», - dep ashýlandy stýdenttiń ápkesi.
Óz kezeginde, atalǵan joǵary oqý orny QR Bilim jáne ǵylym ministrliginiń kelisimi boiynsha ýniversitet basshylyǵy birinshi kýrs stýdentterin onlain bilim berýge ýaqytsha aýystyrý týraly sheshim qabyldady dep jaýap berdi.
Sondai -aq, jataqhanalarǵa ornalasý kezinde halyqtyń áleýmettik osal toptarynyń ókilderine basymdyq beriletinin aitty.
«Birinshi kýrs stýdentterine de basymdyq beriledi, óitkeni olar jańa jaǵdailarǵa beiimdelýi kerek. Jataqhanaǵa 18 jasqa tolǵan jáne vaktsinatsina alǵan nemese meditsinalyq anyqtamasy bar stýdentter ornalasady. Jataqhanamen birinshi kezekte vaktsinatsiialanǵan 1 kýrs stýdentteri qamtamasyz etiledi. Qazir olar turyp jatyr. Biz óz tarapymyzdan olarǵa jan-jaqty qoldaý kórsetemiz. Eger stýdentterge ketýge múmkindik bolmasa, onda olar jataqhanada turýdy jalǵastyra alady», - dep tolyqtyrdy ýniversitet.
Sonymen qatar, Almaty qalasynyń sanitarlyq -epidemiologiialyq baqylaý departamenti bul ýniversitette birinshi, ekinshi jáne úshinshi kýrstyń úsh stýdenti koronavirýspen aýyrǵanyn málim etti.
«Abai atyndaǵy Qazaq ulttyq pedagogikalyq ýniversiteti ákimshiliginiń bastamasymen birinshi kýrs stýdentteri birinshi semestrdiń sońyna deiin onlain oqýǵa jiberildi. Atalǵan oqý ornynda úsh stýdent koronavirýs juqtyrdy», – dedi Almaty qalasynyń sanitarlyq -epidemiologiialyq baqylaý departamenti basshysynyń orynbasary Sádýaqas Baiǵabulov.
Vedomstvonyń málimetinshe, biylǵy jyldyń 1 qyrkúieginen bastap 20 ýniversitette oflain oqý formatynda 48 stýdent koronavirýs infektsiiasyn juqtyrdy.
Ýniversitetterdiń 24 toby karantinge jiberildi, 12 top karantinnen keiin oraldy.
