Almatydaǵy bas bostandyǵynan aiyrý oryndarynyń birinen qashyp shyqqan adam Aqtóbede qolǵa tústi, dep habarlaidy "Ult aqparat" QR Ishki ister ministrligi Qylmystyq atqarý júiesi komitetiniń baspasóz qyzmetine silteme jasap.
«Almaty qalasy boiynsha qylmystyq atqarý júiesi departamenti men Aqtóbe oblystyq Politsiia departamentiniń ókilderi 15 aqpan kúni Almatydaǵy LA-155/18 mekemesinen qashyp ketken D.T.Davýtovty ustaý boiynsha júrgizgen jedel-izdestirý sharasyn sátti aiaqtady. Izdeý jariialanǵan adam Aqtóbede qolǵa tústi», - delingen habarlamada.
Atalǵan oqiǵa boiynsha, Almaty qalalyq Politsiia departamenti tarapynan QR Qylmystyq Kodeksiniń 426 baby (Bas bostandyǵynan aiyrý ornynan qashý) negizinde sotqa deiingi tergeý júrip jatyr.
Sonymen qatar QAJ komiteti tarapynan júrgizilgen qyzmettik tekserý nátijesi boiynsha, birqatar kemshilik jibergen qyzmetkerler ákimshilik jaýapqa tartyldy.
Aita ketetin másele, er adam buryn bineshe márte sottalǵan. Sońǵy ret urlyq jáne alaiaqtyq áreketi úshin 6 jylǵa sottalǵan.
