Almatydaǵy taýda er adam joǵalyp ketti, dep habarlaidy "Ult aqparat".
QR Tótenshe jaǵdailar ministrliginiń resmi ókili Talǵat Ýálidiń aitýynsha, 11 aqpan kúni saǵat 15.20-da «112» pýltine 1981 jylǵy azamattan onyń «Shymbulaq» shyńyna kóterilip, baǵdaryn joǵaltqany jáne óz betimen túse almaityndyǵy týraly habarlama kelip túsken.
Oqiǵa ornyna Respýblikalyq jedel-qutqarý jasaǵynyń, Apattar meditsinasy ortalyǵynyń, Almaty qalasynyń qutqarý qyzmetiniń 5 izdestirý-qutqarý jasaǵy, onyń ishinde 2 kinologiialyq esep, sondai-aq «Shymbulaq» TShK qutqarýshylary dereý jiberildi.
«Izdestirý-qutqarý jumystaryn úilestirý úshin oqiǵa ornynda QR TJM aýmaqtyq bólimshelerdiń qutqarýshylary, «109 qutqarý qyzmeti», meditsinalyq qyzmetter men Almaty qalasy ákimi apparatynyń qatarynan Almaty qalasy TJD jedel shtaby quryldy. TJ jáne dúlei zilzalalardyń qaýpin azaitý jónindegi ortalyqtyń ónerkásiptik ushqyshsyz ushý apparaty iske qosyldy»,-dedi Talǵat Ýáli.
Sonymen qatar, Qazaviaqutqarý KA-32 áýe borty (tuman, ýaqytsha ushý múmkindigi joq) ázirlikte tur.
Birinshi kúnnen bastap izdestirý jumystary qalyń tuman, qatty jel, dymqyl qar, nóldik kóriný jaǵdaiynda júzege asyryldy.Qutqarý jumystary 3200 m astam biiktikte,kóshkin qaýpi joǵary aýmaqta júrgizilýde.
Jedel-qutqarý toptary Shymbulaq shyńyn, janasyp jatqan jotany, Shymbulaq ózeni boiyndaǵy shatqaldy, sondai-aq Bogdanovich muzdyǵynyń aýdanyn jáne Talǵar asýyn qarap shyqty.Osylaisha, jaqyn mańdaǵy eldi mekenniń barlyq jaǵynan izdestirý jumystary júrgizilýde.Aýa raiynyń qolaisyzdyǵyna jáne kóshkin qaýpine qaramastan, qutqarý jumystary toqtatylmaidy.
Er adam óziniń ornalasqan jerin jibere almaýyna bailanysty,Almaty qalasy TJD qosymsha Bilain jáne Tele-2 uialy operatorlaryna sońǵy geolokatsiiany anyqtaý boiynsha suraýlar joldady.Nátijeleri boiynsha sońǵy is-qimyldyń kúni men ýaqyty 2021 jylǵy 11 aqpan saǵat 18:29-da Beeline uialy bailanys operatory arqyly «Shymbulaq» bazasy tirkeldi.
Qazirgi ýaqytta izdestirý-qutqarý jumystaryna jeke quramnyń 60-tan astam adamy, TJM, RJQJ, AMO, QQ aýmaqtyq bólimsheleriniń 11 tehnikasy jumyldyryldy.Jaqyndarynyń aitýy boiynsha joǵalǵan azamat kók kúrte, sur bas kiim men báteńkede bolǵan.
