Memlekettik qyzmet isteri departamenti Almaty qalalyq qoǵamdyq densaýlyq saqtaý basqarmasy basshysynyń orynbasary Laýra Myrzaǵalimen bolǵan atyshýly videoǵa qatysty pikir bildirdi, dep habarlaidy QazAqparat.
Vedomstvo málimetinshe, áleýmettik jelide taraǵan videoǵa qatysty tekserý bastaldy.
«Memlekettik qyzmet isteri agenttiginiń Almaty qalasy boiynsha departamenti Almaty qalasy qoǵamdyq densaýlyq basqarmasy basshysynyń orynbasary L. Myrzaǵaliǵa qatysty videony zerttep jatyr. Departament óz quzyreti sheńberinde tiisti sharalar qabyldaityn bolady», - dedi Memlekettik qyzmet isteri agenttiginiń Almaty qalasy boiynsha departamentinen.
Buǵan deiin áleýmettik jelilerde Almaty qalalyq qoǵamdyq densaýlyq saqtaý basqarmasy basshysynyń orynbasary qyzmetkermen syiaqy týraly sóz talastyrǵan video paida bolǵan edi.
Videoǵa qatysty Almaty qalalyq qoǵamdyq densaýlyq saqtaý departamentinde de qyzmettik tekserý bastaldy.
«Qazirgi ýaqytta mán-jaidy anyqtaý maqsatynda qyzmettik tekserý bastaldy, onyń qorytyndysy boiynsha tiisti sheshim qabyldanady», - dep túsindirdi qalalyq densaýlyq saqtaý basqarmasynan.
Sonymen qatar Almaty ákiminiń baspasóz qyzmeti Laýra Myrzaǵali qyzmetinen ýaqytsha shettetilgenin málim etti.
