Almatydaǵy Respýblika saraiy «Almaty áýenderi» MKQK qaramaǵyna berildi, dep habarlaiy "Ult aqparat".
Osy ýaqytqa deiin kontsert alańy qalalyq Mádeniet jáne muraǵat baqarmasyna qarap kelgen bolatyn. 28 jeltoqsannan bastap menshik iesi ózgerdi.
«Respýblika saraiy» JShS taratyldy. Al qyzmetkerleri «Almaty Áýenderi» MKQK jumysqa turady.
«Menshik túri JShS bolǵannan góri memlekettik kommýnaldyq kásiporyn bolǵan tiimdi. Endi qyzmetkerler jappai aqysy tólenbeitin demalysqa ketpeidi. Turaqty jumys bolady. 2017 jyly ujym 86 shara uiymdastyrǵan. Bul sharalardyń barlyǵy óte joǵary dárejede ótti. Sizderge rizamyn», - dedi taratylǵan «Respýblika saraiy» JShS direktory Arman Asenov.
Jiynda qalalyq Mádeniet basqarmasy basshysynyń orynbasary Daniiar Áliev ujymǵa jańa basshyny tanystyrdy.
«Respýblika saraiy «Almaty áýenderi» mekemesiniń menshigine ótedi. Endi kásiporyn basshysy Baǵdat Tilegenov Respýblika saraiynyń jumysyn basqaratyn boldy»,- dedi Áliev.
Baǵdat Tilegenovtyń aitýynsha, qazir Respýblika saraiynda 77 adam jumys istep keledi.
«2018 jyldyń qańtarynan meniń atyma jumysqa turý týraly aryz jazyńyzdar. Orynbasarlar qysqaratyn boldy. Tek úsh orynbasar qalady. Ol orynǵa kimder qabyldanatyny belgisiz. «Almaty Áýenderi» shyǵarmashylyq ujymy burynǵy rejimde jumys jasaidy», - dedi «Almaty Áýenderi» MKK direktory Baǵdat Tilegenov.
«Almaty Áýenderi» MKQK qalanyń mádeniet jáne shyǵarmashylyq salasynda óndiristik shyǵarmashylyq qyzmetin júrgizýmen, mádeniet jáne óner adamdaryna qoldaý kórsetýmen ainalysady.
Aita keteiik, Respýblika Saraiy - Almaty qalasynda ornalasqan mádeni ortalyq ǵimarat. 2008 jyly 21-naýryzda «Respýblikalyq mańyzy bar tarih, mádeniet, qala qurylysy jáne arhiterktýralyq eskertkishi» mártebesi berilgen.
Ǵimarat 1970 jyly V.Leninniń 100 jyldyǵy qarsańynda ashylyp, Keńestik kompartiia kóseminiń esimi berildi.
Munda 1991 jyly 10 jeltoqsanda Qazaqstan Respýblikasynyń Tuńǵysh sailanǵan Prezidenti N.Á.Nazarbaevtyń qyzmetine kirisýine bailanysty ulyqtaý rásimi ótti. Osy jyly ǵimarattyń ataýy «Respýblika Saraiy» dep ózgertildi.
