Almatydaǵy "Pinta" barynda kelýshiler men daiashylar arasynda jappai tóbeles boldy, - dep habarlaidy Tengrinews.kz tilshisi.
Tóbelestiń videosy Jelide paida boldy.
Bul oqiǵanyń 9 naýryzǵa qaraǵan túni bolǵany anyqtaldy. Videodan bir top jigittiń arasynda tóbeles shyǵyp, keiinirek bul tóbeleske daiashylardyń da aralasqany kórinedi.
"QR Qylmystyq kodeksiniń 293-babynyń 2-bóligi boiynsha sotqa deiingi tergeý júrgizilip jatyr. Tergeý qorytyndysy boiynsha protsessýaldyq sheshim qabyldanady. Oqiǵanyń mán-jaiy anyqtalyp jatyr", - dep habarlady Almaty qalalyq IID baspasóz qyzmeti.
Tóbelesten eshkimniń zardap shekpegeni aitylady.
