Foto ©Tengrinews.kz
Politseiler Almatyda "mina qoiyldy" degen barlyq nysandy tekserip shyqty, - dep habarlaidy Tengrinews.kz.
Almaty politsiiasy áýejaida, eki saýda úiinde jáne ýniversitette tekserý aiaqtalǵanyn habarlady. Olarǵa jarylǵysh zat qoiylǵany týraly aqparat rastalmady.
Almaty áýejaiynyń baspasóz qyzmeti tekserý men evakýatsiiaǵa bailanysty qaladan ushatyn alty reis keiinge shegerilgenin atap ótti. Áýejai málimetinshe, jan-jaqty tekserý nátijesinde aqparat rastalmaǵan. Áýejai qalypty rejimde jumys istep tur.
MEGA jelisiniń kommýnikatsiialar departamenti belgisiz tulǵadan MEGA Alma-Ata, MEGA Park, MEGA Silk Way ǵimarttaryna "mina qoiylǵany" týraly aqparat kelip túskenin habarlady. Úsh saýda ortalyǵynyń arnaiy bólimshe qyzmetkerleri 15 minýt ishinde kelýshiler men qyzmetkerlerin jedel evakýatsiialaǵan. Arnaiy jasaq qyzmetteri hattamaǵa sáikes is-sharalar ótkizgen jáne eshqandai qaýipti zat tabylǵan joq.
Aita keteiik, buǵan deiin Almatyda jeti nysanǵa mina qoiyldy degen habar túskeni habarlanǵan bolatyn.
