27 aqpanda Almatyda MTK Fight Night kásipqoi boks keshi ótedi, dep habarlaidy "Ult aqparat".
Boks keshin álemdegi kásipqoi boksshylardy ilgeriletý jónindegi uiym sanalatyn MTK Global menedjerlik kompaniiasy MTK Kazakhstan filialymen jáne TOP Rank promoýterlik kompaniiasymen birge ótkizedi. Basty jekpe-jekte sharshy alańǵa Qazaqstan ulttyq quramasynyń kapitany Qamshybek Qońqabaev (2-0, 2KO) shyǵady. Onyń qarsylasy – ulybritandyq Stiven Ýord. Boxrec.com álemdik statistikalyq portalynyń nusqasy boiynsha aýyr salmaqtaǵy boksshylardyń jahandyq reitinginde 86-orynda turǵan britandyq kásipqoi sharshy alańda óziniń jarqyn jekpe-jekterimen jankúierleriniń esinde.
Sonymen qatar qazirgi ýaqytta AQSh-ta turyp, tyńǵylyqty jattyǵyp jatqan Qazaqstan boksshysy Jánibek Álimhanuly da Almatydaǵy kásipqoi boks keshinde óner kórsetedi. Jánibektiń qarsylasy taiaý kúnderi belgili bolmaq.
Munan bólek, dál osy kúni MTK Kazakhstan menedjerlik kompaniiasy atynan kásipqoi sharshy alańda óner kórsetetin Abai Tólesh, Talǵat Shaiken, Áli Baloev, Nurdos Tólebai, Nurtas Ájbenov, MTK Global Kazakhstan Golden Contrast aýqymdy jobasynyń jeńimpazdary Torǵynbek Ámirovpen Nurbol Sultanbai jekpe-jekke shyǵady.
Koronavirýs infektsiiasynyń taralýyna bailanysty kórermensiz ótetin kásipqoi boks keshin ESPN telearnasynyń jáne britandyq «IFLTV» strimingtik tuǵyrnamanyń tikelei efirinen tamashalaýǵa bolady.
