الماتىداعى كەسٸپقوي بوكس كەشٸندە بٸرقاتار قازاقستاندىق رينگكە شىعادى

27 اقپاندا الماتىدا MTK Fight Night كەسٸپقوي بوكس كەشٸ ٶتەدٸ, دەپ حابارلايدى "ۇلت اقپارات".

بوكس كەشٸن ەلەمدەگٸ كەسٸپقوي بوكسشىلاردى ٸلگەرٸلەتۋ جٶنٸندەگٸ ۇيىم سانالاتىن MTK Global مەنەدجەرلٸك كومپانيياسى MTK Kazakhstan فيليالىمەن جەنە TOP Rank پروموۋتەرلٸك كومپانيياسىمەن بٸرگە ٶتكٸزەدٸ. باستى جەكپە-جەكتە شارشى الاڭعا قازاقستان ۇلتتىق قۇراماسىنىڭ كاپيتانى قامشىبەك قوڭقاباەۆ (2-0, 2كو) شىعادى. ونىڭ قارسىلاسى – ۇلىبريتاندىق ستيۆەن ۋورد. Boxrec.com ەلەمدٸك ستاتيستيكالىق پورتالىنىڭ نۇسقاسى بويىنشا اۋىر سالماقتاعى بوكسشىلاردىڭ جاھاندىق رەيتينگٸندە 86-ورىندا تۇرعان بريتاندىق كەسٸپقوي شارشى الاڭدا ٶزٸنٸڭ جارقىن جەكپە-جەكتەرٸمەن جانكٷيەرلەرٸنٸڭ ەسٸندە. 

سونىمەن قاتار قازٸرگٸ ۋاقىتتا اقش-تا تۇرىپ, تىڭعىلىقتى جاتتىعىپ جاتقان قازاقستان بوكسشىسى جەنٸبەك ەلٸمحانۇلى دا الماتىداعى كەسٸپقوي بوكس كەشٸندە ٶنەر كٶرسەتەدٸ. جەنٸبەكتٸڭ قارسىلاسى تاياۋ كٷندەرٸ بەلگٸلٸ بولماق. 

مۇنان بٶلەك, دەل وسى كٷنٸ MTK Kazakhstan مەنەدجەرلٸك كومپانيياسى اتىنان كەسٸپقوي شارشى الاڭدا ٶنەر كٶرسەتەتٸن اباي تٶلەش, تالعات شايكەن, ەلي بالوەۆ, نۇردوس تٶلەباي, نۇرتاس ەجبەنوۆ, MTK Global Kazakhstan Golden Contraسt اۋقىمدى جوباسىنىڭ جەڭٸمپازدارى تورعىنبەك ەمٸروۆپەن نۇربول سۇلتانباي جەكپە-جەككە شىعادى. 

كوروناۆيرۋس ينفەكتسيياسىنىڭ تارالۋىنا بايلانىستى كٶرەرمەنسٸز ٶتەتٸن كەسٸپقوي بوكس كەشٸن ESPN تەلەارناسىنىڭ جەنە بريتاندىق «IFLTV» ستريمينگتٸك تۇعىرنامانىڭ تٸكەلەي ەفيرٸنەن تاماشالاۋعا بولادى.