Foto: Almaty TJD
Almatyda eki birdei jarylys boldy. TJD ókilderi oqiǵanyń jai-japsaryn aitty, - dep habarlaidy Massaget.kz portaly.
Almaty qalasy TJD málimetinshe, oqiǵa 5 jeltoqsanda saǵat 23:19-da Tilendiev kóshesinde bolǵan. Órtsóndirýshiler 5 minýt ishinde kelip, kókónis satatyn dúkennen órt shyqqanyn anyqtaǵan.
Órtsóndirýshiler kelgenge deiin joǵary temperatýraǵa bailanysty bir gaz ballony jarylǵan. Artynsha ekinshisi órt sóndirýshiler kelgen kezde jaryldy. Órt sóndirý barysynda janyp jatqan ǵimarattan qaýipsizdik tehnikasyn saqtai otyryp, órtsóndirýshiler 50 litrden 2 gaz ballonyn evakýatsiialady.
Órt 4 minýt ishinde oqshaýlanyp, 23:36-da joiyldy. Qabyldanǵan sharalardyń arqasynda avtoturaqta turǵan avtomobilderdi órt pen jarylystardan aman alyp qaldy. Abyroi bolǵanda zardap shekkender joq. Órttiń sebebi anyqtalyp jatyr.
Foto: Tengrinews.kz
