فوتو: الماتى تجد
الماتىدا ەكٸ بٸردەي جارىلىس بولدى. تجد ٶكٸلدەرٸ وقيعانىڭ جاي-جاپسارىن ايتتى, - دەپ حابارلايدى Massaget.kz پورتالى.
الماتى قالاسى تجد مەلٸمەتٸنشە, وقيعا 5 جەلتوقساندا ساعات 23:19-دا تٸلەنديەۆ كٶشەسٸندە بولعان. ٶرتسٶندٸرۋشٸلەر 5 مينۋت ٸشٸندە كەلٸپ, كٶكٶنٸس ساتاتىن دٷكەننەن ٶرت شىققانىن انىقتاعان.
ٶرتسٶندٸرۋشٸلەر كەلگەنگە دەيٸن جوعارى تەمپەراتۋراعا بايلانىستى بٸر گاز باللونى جارىلعان. ارتىنشا ەكٸنشٸسٸ ٶرت سٶندٸرۋشٸلەر كەلگەن كەزدە جارىلدى. ٶرت سٶندٸرۋ بارىسىندا جانىپ جاتقان عيماراتتان قاۋٸپسٸزدٸك تەحنيكاسىن ساقتاي وتىرىپ, ٶرتسٶندٸرۋشٸلەر 50 ليتردەن 2 گاز باللونىن ەۆاكۋاتسييالادى.
ٶرت 4 مينۋت ٸشٸندە وقشاۋلانىپ, 23:36-دا جويىلدى. قابىلدانعان شارالاردىڭ ارقاسىندا اۆتوتۇراقتا تۇرعان اۆتوموبيلدەردٸ ٶرت پەن جارىلىستاردان امان الىپ قالدى. ابىروي بولعاندا زارداپ شەككەندەر جوق. ٶرتتٸڭ سەبەبٸ انىقتالىپ جاتىر.
فوتو: Tengrinews.kz
