Almatyda qatty jel men jaýyn-shashynnyń saldarynan qalanyń ár aimaǵynda kópjyldyq aǵashtar qulap, avtokólikterdi basyp qaldy, dep habarlaidy QazAqparat tilshisi qalalyq politsiia departamentiniń baspasóz qyzmetine silteme jasap.
Almaty qalalyq politsiia departamentinen málim etkendei Almaly aýdanynda ornalasqan turǵyn úidiń aýlasynda aǵash qulap, «Mitsýbisi» men «Sýbarý»avtokólikterin qiratty.
Masanchi men Shevchenko kósheleriniń qiylysyndaǵy stadionnyń beton qorshaýyna úlken aǵash qulap, saldarynan sol jerde turaqta turǵan avtokólikterdi zaqymdady.
Tóle bi men Baizaqov kósheleriniń qiylysyndaǵy ákimshilik ǵimarattyń materialy avtokóliktiń tóbesine qulady. Budan sol mańnan ótip bara jatqan jaiaý júrginshi de zardap shekti. Oǵan dárigerler bas jaraqaty men midyń shaiqalýy diagnozyn qoidy.
«Qazirgi ýaqytta qalanyń mýnitsipaldy qyzmetter qolaisyz aýa-raiynyń saldaryn joiýda», - dep málim etti qalalyq politsiia departamentinde.
