Almatydaǵy blokposta tótenshe jaǵdai rejimi kezinde para alǵan politsiia qyzmetkeri sottaldy. Qylmystyq is jaily Sybailas jemqorlyqqa qarsy is-qimyl agenttiginiń 1-shi departamentiniń aǵa tergeýshisi Daniiar Bekaidarov agenttikte ótken baspasóz máslihatynda aityp berdi, dep habarlaidy "Ult aqparat".
«2020 jyldyń 5 mamyrynda Almaty qalasynyń Áýezov aýdandyq sotynyń úkimimen qalalyq Politsiia departamentiniń patrýldik politsiia polkiniń inspektory B.Q.Tynyshtyqbaev 1 jylǵa bas bostandyǵynan aiyryldy. Oǵan, sonymen qatar, memlekettik qyzmette ómir boiy eńbek etý quqyǵy berilmeidi. Ol TJ kezeńinde filtratsiialyq blokpostan kedergisiz ótkizý úshin azamattardyń birinen 20 myń teńge para alǵan», - dedi Daniiar Bekaidarov.
Ol, sonymen qatar, Atyraý qalalyq №2 sotynyń úkimimen G.Táýirbaev atty azamatqa 112 500 teńge aiyppul salynǵanyn habarlady. Ol azamat blokpost arqyly kedergisiz ótý úshin Atyraý oblystyq PD inspektorynyń shotyna 15 myń teńge para aýdarǵan.
